Ish-deputeti rus pretendon se partizanët rusë janë përgjegjës për shpërthimin ku vdiq e bija a aleatit të ngushtë të Putinit

Një ish-deputet i Dumës së Rusisë, i cili u dëbua për aktivitetet anti-Kremlin, ka pohuar se partizanët rusë dyshohet se ishin prapa bombës në makinë që hodhi në erë vajzën e një prej aleatëve të ngushtë të presidentit rus Vladimir Putin në periferi të Moskës.

Duke folur në Kiev, ku ai ndodhet, Ilya Ponomarev pretendoi se shpërthimi i së shtunës në mbrëmje ku humbi jetën Darya Dugina ishte vepër e Ushtrisë Republikane Kombëtare, për të cilin ai pretendoi se ishte një grup i nëndheshëm që punon brenda Rusisë dhe i përkushtuar për përmbysjen e regjimit të Putinit, transmeton Telegrafi.

The Guardian nuk e ka verifikuar vërtetësinë e pretendimeve të Ponomarev. Në anën tjetër, Rusia ka fajësuar Ukrainën për sulmin, një pretendim që Kievi e mohon fuqishëm.

https://www.youtube.com/watch?v=SrnRba1h_r0&ab_channel=GuardianNews

“Ky aksion, si shumë aksione të tjera partizane të kryera në territorin e Rusisë muajt e fundit, u krye nga Ushtria Republikane Kombëtare (NRA)”, tha Ponomarev. Ai po fliste në një transmetim në orën 19:00 në February Morning, një kanal televiziv opozitar në gjuhën ruse që ai e lansoi në Kiev në fillim të këtij viti.

“Një ngjarje e rëndësishme ndodhi pranë Moskës mbrëmë. Ky sulm hap një faqe të re në rezistencën ruse ndaj Putinizmit. E re – por jo e fundit”, shtoi ai.

Lexo po ashtu Vdekja e vajzës së aleatit të Putinit, pajisja shpërthyese u gjet poshtë automjetit

Shpërthimi vrau Darya Duginan, vajzën 30-vjeçare të aleatit të ngushtë të Putinit, Alexander Dugin, të cilët të dy ishin sanksionuar nga Mbretëria e Bashkuar dhe SHBA-ja për veprim për të destabilizuar Ukrainën.

Lexo po ashtu Vajza e mikut të ngushtë të Putinit humb jetën, vetura e saj hidhet në erë – babai shikon mjetin motorik duke u djegur

Ponomarev tha se partizanët brenda Rusisë ishin të gatshëm të kryenin sulme të tjera të ngjashme kundër objektivave të profilit të lartë të lidhur me Kremlinin, duke përfshirë zyrtarë, oligarkë dhe anëtarë të agjencive ruse të sigurisë. /Telegrafi/