Vëllai i vogël dhe ish-gruaja e Ben Affleck nuk morën pjesë në dasmën e tij me Jennifer Lopez

Këtë fundjavë, pas gati 20 vitesh, Jennifer Lopez dhe Ben Affleck patën ditën e tyre më të lumtur, megjithatë ajo kaloi pa disa njerëz të afërt.

Çifti u martua në fshehtësi muajin e kaluar dhe tani e shënuan me një ceremoni solemne në pronat e aktorit në Gjeorgji, ku morën pjesë familjarët, miqtë dhe të njohurit e tyre.

Megjithatë, jo të gjithë të ftuarit arritën në dasmë dhe disa nga ata që nuk arritën të vinin janë ish-bashkëshortja e Ben, Jennifer Garner dhe vëllai i tij i vogël, Casey Affleck.

Casey, i cili po ashtu është aktor, është parë në Los Angeles të shtunën në mëngjes, mijëra kilometra larg nga Gjeorgjia, ku vëllai i tij nuk ishte martuar ende. Një burim i mediave të huaja ka njoftuar se ai e ka humbur ceremoninë për shkak të “detyrimeve familjare”.

Në ceremoni nuk është shfaqur as ish-bashkëshortja e Affleck, Jennifer Garner, e cila dihet se ka një marrëdhënie të mirë me aktorin.

Garner dhe Affleck ishin të martuar nga viti 2005 deri në vitin 2018 dhe kanë tre fëmijë së bashku. Edhe pse thuhet se ajo nuk ka asgjë kundër martesës së tij me Lopez, angazhimet e penguan të ishte e pranishme në ditën e tyre më të lumtur.

“Jennifer Garner është duke punuar shumë për një projekt në Teksas dhe nuk do të marrë pjesë në dasmë, por ajo ka qenë shumë mbështetëse për ardhjen e fëmijëve të saj dhe në përgjithësi është shumë pozitive për të gjithë këtë”, shpjegoi një burim i afërt me aktoren.

Fëmijët e Garner dhe Affleck, Violet, Seraphina dhe Sam, së bashku me gjysmëvëllanë dhe gjysmëmotrën e tyre ishin dëshmitarë të ceremonisë.

Kujtojmë se dasma treditore u mbajt në Gjeorgji në pronën e aktorit me vlerë mbi tetë milionë dollarë. Gjithçka ishte produkt i përgatitjeve shumëmujore. Në ceremoni dominoi ngjyra e bardhë dhe të ftuarit ishin veshur në përputhje me rrethanat, ndërsa e gjithë hapësira ishte zbukuruar me dekorime ekstravagante dhe aranzhime me lule në të njëjtën ngjyrë. /Telegrafi/