“Ai nuk ka kohë për të humbur!”, Luis Nani mbron Ronaldon

Sulmuesi i njohur portugez, Luis Nani ka pohuar se Cristiano Ronaldo “nuk ka kohë” për të qenë pjesë e një projekti afatgjatë, pasi ai shtyn për një largim nga Manchester Unitedi.

Fillimi i dobët i sezonit të Djajve të Kuq sugjeron se ata nuk mund të konkurrojnë për trofe të mëdhenj së shpejti dhe pesë herë fituesi i Topit të Artë është i prirur të organizojë një largim.

Dëshira e Ronaldos për t’u larguar ka lënë një shije të hidhur në gojën e disa tifozëve të Unitedit, të cilët ishin të entuziazmuar kur transferimi i tij nga Juventusi u ra dakord pothuajse saktësisht një vit më parë.

Megjithatë, ish-shoku i tij i skuadrës – në nivel klubi dhe ndërkombëtar, Nani mund të kuptojë saktësisht pse ai dëshiron të largohet pasi koha sigurisht nuk është në anën e tij.

Lexo po ashtu “E vërteta do të dalë së shpejti”, Cristiano Ronaldo sulmon mediat për 'lajme të rreme'

“Ka shumë kohë që kemi luajtur bashkë dhe Cristiano nuk është më fëmijë”, ka thënë fillimisht Nani për “VIBE ËITH FIVE Podcast” të Rio Ferdinand.

“Kohët ndryshojnë dhe reagimet dhe qëndrimi mund të ndryshojnë gjithashtu. Por, siç e shohim, ai po bën të njëjtat gjëra si zakonisht; nuk i pëlqen të humbasë, ai reagon kur skuadra nuk po shkon mirë”.

“Por, i vetmi ndryshim është se janë kohë të ndryshme. Ai po luan përsëri në Man United, por ai ka qenë në të gjithë botën duke bërë mirë në ekipe të ndryshme me lojtarë të ndryshëm”.

“Ai është në një ekip ku drejtuesit po përpiqen të ndërtojnë një ekip të fortë dhe nuk është lehtë kështu, kërkon kohë”.

Lexo po ashtu Manchester United i gatshëm të dëgjojë oferta për Cristiano Ronaldon, klubi anglez po mendon për sulmues të ri

“Për Cristianon, ai nuk ka kohë për të humbur në ndërtimin e ekipeve apo duke pritur për sezonin e ardhshëm”.

“Ai dëshiron të vazhdojë të jetë në krye, duke shënuar gola, duke qenë njeriu kryesor. Prandaj reagimi është normal, ne të gjithë kemi reagime të gabuara ndonjëherë”, përfundoi portugezi. /Telegrafi/