“Rusët besojnë se nuk po bëjnë gjënë e duhur”: Ushtari rus që braktisi luftën në Ukrainë

Një ushtar rus që ka dezertuar pasi kritikoi pushtimin e Ukrainës ka shkruar një mesazh të gjatë në rrjetet sociale.

Pavel Filatyev duket të jetë ushtari i parë rus që ka dokumentuar luftën në Ukrainë me kaq hollësi, duke ofruar një përshkrim të përditshëm se si njësia parashutiste u dërgua në Ukrainë nga Krimea.

Duke folur me një gazetar të theguardian në Moskë pak para se të ikte, ai tha se “Unë nuk shoh drejtësi në këtë luftë. Nuk shoh të vërtetën këtu”.

Ai vazhdoi se “Unë nuk kam frikë të shkoj në luftë, por duhet të ndjej drejtësinë, të kuptoj se ajo që po bëj është e drejtë. Dhe unë besoj se e gjithë kjo po dështon jo vetëm sepse qeveria ka vjedhur gjithçka, por sepse ne, rusët, nuk mendojmë se ajo që po bëjmë është e drejtë.”

Me njësinë e tij, Filatyev hyri në Kherson dhe pushtoi portin detar përpara se të atakohej me artilerinë e rëndë ukrainase për më shumë se një muaj pranë Mykolaiv.

Lexo po ashtu Këshilltari i Zelenskyt: Duhet të shkatërrohet ura e Krimesë

Ai u evakuua përfundimisht kur u plagos dhe zhvilloi një infeksion të rëndë të syrit që gati e verboi.

Filatyev u largua nga vendi përmes një rruge të pazbuluar diku pas mbrëmjes së shtunës, kur u nis për të gjetur një bujtinë për të kaluar natën. Dy ditë më vonë, Filatyev kishte arritur të arratisej nga Rusia. /Telegrafi/