Keke Palmer shprehet e sinqertë për puçrrat: Jam e lodhur prej tyre

Keke Palmer po bëhet e vërtetë për problemet e lëkurës së saj.

Ylli i “Nope” postoi një video të sinqertë pa grim në Instagram të mërkurën, duke ndarë gjendjen aktuale të fytyrës së saj dhe duke pyetur pse mjekët nuk kanë arritur ende të “kurojnë” aknet e të rriturve.

“Unë po mendoja vetëm për faktin se kirurgët plastikë janë të mrekullueshëm, në rregull? Ata mund t’ju bëjnë një operacion gjoksi, sipër muskulit, nën muskul, liposuksion, bark, BBL, madje mund të implantojnë muskuj, dua të them, lista vazhdon”, filloi Palmer, 28 vjeç.

View this post on Instagram

A post shared by BIG BOSS ?? (@keke)

“Por ata nuk mund të kuptojnë se si të pastrojnë lëkurën e dikujt? Gjithë këto vite dhe gjithë këto shpikje, nuk mund ta kuptosh se si ta heqësh lëkurën e bukur nga të pasmet dhe ta vendosësh në fytyrën time?”.

Lexo po ashtu Mënyra për eliminimin e akneve hormonale

Aktorja e “Hustlers” nuk u frenua duke shprehur acarimin e saj, duke vazhduar: “Jam e lodhur. Unë kam mbaruar me të. Njerëzit këtu me puçrra të rriturish po luftojnë, dhe ju nuk e keni gjetur atë kurë? Mjaft”.

Në vitin 2020, Palmer zbuloi se ajo ishte diagnostikuar me sindromën e vezores policistike, e cila shpesh shkakton akne si dhe qime në fytyrë. Në atë kohë, aktorja e “Alice” tha se lëkura e saj ishte “aq e keqe sa njerëzit në fushën time ofruan të paguanin për mua për ta rregulluar atë. Kam provuar gjithçka”. /Telegrafi/