Prerja e drunjve dhe shpyllëzimi me vite është temë diskutimi në shoqëri dhe kudo në botë, kjo pasi ndikon drejtpërdrejt edhe në shëndetin e njeriut.
Në një intervistë në emisionin “Përballje” në Telegrafi.com për ruajtjen e prerjes së pyjeve dhe rëndësinë e tyre ka folur Indira Kartallozi nga Sustainability Leadership Kosova.
Kartallozi ka treguar për fushatën #mosemerrmalin dhe nismat për të mbrojtur pyjet dhe natyrën e Kosovës.
“Ne jemi SLK, që d.m.th. cilësi për qëndrueshmëri në Kosovë. Jemi organizatë joqeveritare dhe të gjitha aktivitet tona përcillen përmes tri komponentëve. E para është njohuria apo edukimi i shoqërisë me çështjet e qëndrueshmërisë, në të hyjnë kriza globale që i kanosen jo vetëm planetit, jo vetëm shoqërisë por edhe ekonomisë dhe gjithashtu krizat klimatike dhe ndryshimet klimatike. Çka do të thotë humbja e diversitetit, çfarë do të thonë humbjet e burimeve natyrore apo përdorimi i tepruar i burimeve natyrore. Kështu që këto tema zhvillohen në bazë të shkencës dhe trajtohen përmes njohurive të ndryshme të cilat deri më tani kanë pas sukses mjaft të veçantë”, ka treguar Kartallozi.
Sipas saj, fushata është krijuar në bazë të analizës dhe hulumtimeve që kanë bërë si organizatë.
“Duke punuar me aktivistë kemi diskutuar për emrin e kampanjës. Kemi diskutu se sa e marrim malin ne kur jemi me gjendje shëndetësore. Mos e merr malin, mos e merr lumin, drutë, etj”, tha ajo.
Mirëpo, sa janë të vetëdijesuar qytetarët për rëndësinë e pyjeve? Kartallozi tha se vetëdija e qytetarëve viteve të fundit është pak më e lartë.
Por ajo e ngriti shqetësimin tek institucionet qeveritare, pasi siç tha ajo është nevojë emergjente që të mbrohen pyjet në vend.
“Vetëdijesimi i degradimeve ambientale është pak më i lartë këto vite se që kur kemi filluar në vitin 2015. Kështu që interesimi për këto çështje nuk ka nivel apo urgjencë të mjaftueshme. E sa i përket pyjeve në këtë rast neve na duhet një urgjencë nga institucionet qeveritare. Ka punë, janë duke u përgatitur shumë gjëra dhe strategji për menaxhimin e pyjeve, janë duke u përgatit strategji të ndryshimeve klimatike se çfarë duhet të ndodh, mirëpo janë duke shku ngadalë”, u shpreh ajo.
Kartallozi po ashtu tregoi interesimin që kanë njerëzit kudo në botë për mbrojtjen e pyjeve si dhe rëndësinë që kanë ato.
“Duke marr parasysh që komuniteti global i kushton rëndësi të veçantë mbjelljes së pyjeve për shkak se komplet e ndryshojnë dhe e cila ndikon në planet, janë duke i kushtu rëndësi të veçantë, duke marr parasysh që krejt ekosistemi global krijohet nga pyjet”.
Ndërsa tha se është tepër me rëndësi që të ndalohet shpyllëzimi, pasi pemët janë të vjetra në Kosovë.
“Edhe për Kosovë është tepër me rëndësi që të ndalohet shpyllëzimi, për shkak se këto pemë që i kemi ne janë të vjetra, kanë kapacitet të pastrojnë karbonin, të na e pastrojnë ajrin. Nëse i presim këto pemë, atëherë po ia presim vetes oksigjenin, dhe frymën. Jo vetëm vetes por dhe gjeneratave tona të ardhshme, d.m.th. fëmijëve. Duke ua pre frymën popullit, gjithashtu ia dëmtojmë shëndetin, që do ti kushtoj ekonomisë, do ti kushtoj shëndetit të njerëzve. Por do të ketë dhe ndikime tjera në ekonomi. Shpyllëzimi në Kosovë shihet më shumë në zonat kufitare më shumë”, tha ndër të tjera Kartallozi.
Ndryshe, Sustainabiluty Leadership Kosova është organizatë joqeveritare vendore e specializuar në shpërndarjen e njohurive për qëndrueshmëri përmes programeve edukative e konsulencës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Policia njofton për një rast të dhunës në familje, arreston të dyshuarin në Klinë
Mickoski: Nuk do të habitem nëse kemi 61 deputetë
Dhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Zhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Axhanqiq: Unë takohem me Kurtin hapur, të tjerët fshihen
Ulqini gati për sezonin e ri, drejtues të komunës dhe biznesmen flasin për çmimet dhe investimet
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Spahoviq: Nuk mund të pritet qeveri proevropiane nga Vuçiqi, idetë e Millosheviqit janë ende të gjalla
Rrahet anketuesi i regjistrimit të popullsisë, policia arreston tre të dyshuarit në Pejë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak