Lada e-Largus, koncepti i veturës elektrike që duket si një Dacia Logan MCV i vjetër

Prodhuesi rus i veturave Lada gjatë vikendit prezantuan konceptin e veturës së tyre të parë elektrike. Kjo veturë quhet e-Largus dhe duket pothuajse e njëjtë sikur një Dacia Logan MCV i vjetër. E gjitha kjo ka kuptim pasi që Largus dhe Logan MCV në fillim praktikisht ishin i njëjti model.

Në fakt, Lada prodhohet na AvtoVAZ e cila pjesërisht është nën pronësinë e Renault, kompania mëmë e Dacia.

Ndryshe nga Dacia, Lada vazhdoi që ta shiste Largus-in, dhe tani janë duke zhvilluar edhe modelin e veturës elektrike, transmeton Telegrafi.

Siç mund të shihet në fotografi, ajo nga jashtë duket si një Logan MCV, dhe siç duket kjo veturë do të ketë edhe versionin komercial/fugon.

ArenaEV raporton se për momentin nuk ka shumë detaje tjera në lidhje me e-Largus, por do të jetë një makinë e cila do të bazohet në rrota të përparme, bateria do të jetë nën dysheme, dhe do të ketë mbështetje për rimbushje CCS.

Vetura do të prodhohet në Rusi në fabrikën e AvtoVAZ në Izhevsk, dhe do të ketë modele të ndryshme me numra të ndryshme të gamës. Ka thashetheme se versioni i saj do të ketë një limit të ngasjes deri në 400 kilometra me një mbushje.

Flota e prototipave do të dal në rrugë në vitin 2023, e që do të thotë se një lansim zyrtar i veturës me gjasë nuk do të ndodhë para vitit 2024. /Telegrafi/