“Përtej punësimit” – podcast me Artën

Arta Shehu Zaimi, themeluese e JCoders Academy dhe Labbox.

Duke u kthyer në kohë Arta shpalos më shumë rreth këndvështrimit të saj mbi të drejtat e punëtorëve, nga një punonjëse në një punëdhënëse të një kompanie shumë të avancuar, e cila numëron një numër të lartë të punëtorëve.

Studente, punonjëse deri tek një punëdhënëse e suksesshme.

Motivimet personale që në moshën e re e orientuan Artën në shkencat teknike, duke lënë anash edhe dëshirën e prindërit të saj që ajo të jetë një mjeke në të ardhmen.

Orientimi në shkencat teknike në kohën e studimeve të Artës nuk ishte i lehtë duke marrë parasysh se në numër dominonin studentët burra. Që nga dita e parë e studimeve Arta ka qenë e bindur që përfundimi i studimeve në drejtimin e shkencave teknike do e sjelltë atë si një profesioniste në këtë fushë.

Gjatë studimeve të vitit të tretë, Arta nis punën e parë. Pas asaj u punësua në bankën Raiffeisen, duke i mundësuar zhvillim më të avancuar profesional.

Suksesi e shoqëroi Artën! Arta sot është themeluese e dy kompanive mjaftë të mëdha siç janë JCoders Academy dhe Labbox.

JCoders Academy dhe Labbox

Kompani të themeluar nga Arta, të cila ofrojnë shërbim abonimi për komplete elektronike eksperimentuese për fëmijë, të përshtatshme për moshat e tyre, për t’i frymëzuar ata për inxhinieri.

Gra të shkolluara në numër më të lartë në krahasim me burrat por në numër më të ulët të punësuara.

Arta pohon se kultura e instaluar si shoqëri patriarkale luan një rol në këtë drejtim. Megjithatë nga përvoja e saj Arta tregon se punonjëset gra në praktikë rezultojnë me qenë më të suksesshme, kryejnë punë më shpejtë dhe janë më të gatshme në përvetësimin e njohurive të reja.

Të drejtat e punonjësve në vendet e tyre të punës

Arta si frymë pozitive e sheh faktin se gjeneratat e reja më nuk janë vetëm falënderues për vendet e tyre të punës, ata vazhdimisht drejtojnë kërkesat tek punëdhënësit e tyre e që lidhen me avancimin profesional të tyre.

Gjithashtu, tregon se pajisja me kontrata nuk është më temë në kompaninë që Arta udhëheq.

Rolin e punëdhënësit e sheh në përkrahjen e punonjësve në mënyrë që ata të jenë në versionet më të mira të tyre. Për më tepër Arta tregon se si fleksibiliteti në orar prej 8 orësh në ditë në kompaninë e saj ndikoi pozitivisht në produktivitetin e punës.

Mesazhi për gjeneratat  e reja

Arta pohon se në garantim të suksesit, gjeneratat e reja duhet të marrin vetë përgjegjësi në ndërtimin e së ardhmes së tyre, duke strukturuar mendimet në drejtimin që duhet ecur si dhe duke mos harruar se edhe vendimet e vogla japin drejtim.

Ky podcast është seri e podcasteve “Përtej punësimit: Të drejtat në punë” që zhvillohen nga Qendra për Politika dhe Avokim me ndihmën financiare të Bashkimit Evropian. Përmbajtja e këtij podcasti është përgjegjësi e vetme e Qendrës për Politika dhe Avokim dhe nuk pasqyron domosdoshmërisht qëndrimet e Bashkimit Evropian apo Rrjetit për Raportim të Diversitetit 2.0