OKB-ja dhe Kryqi i Kuq duhet të hetojnë vdekjet në burgjet e Ukrainës

Ukraina ka kërkuar që Kombet e Bashkuara dhe Kryqi i Kuq të lejohen të hetojnë vdekjen e më shumë se 50 të burgosurve ukrainas të luftës (POWs) në një sulm në territorin e pushtuar.

Kryqi i Kuq tha se po kërkon qasje në burg për të ndihmuar në evakuimin dhe trajtimin e të plagosurve.

Ukraina dhe Rusia kanë akuzuar njëra-tjetrën për sulmin e kampit, raporton bbc.

Pamjet e paverifikuara ruse tregojnë trupa të djegura të njerëzve dhe dëme të shumta materiale.

Lexo po ashtu Autoritetet ukrainase: Nuk i vramë mbrojtësit e Azovit, rusët po mbulojnë vrasjet dhe torturat e të burgosurve

Saktësisht çfarë ndodhi në kampin e burgut në Olenivka, i cili kontrollohet nga Republika Popullore separatiste e Donetskut e mbështetur nga Rusia, mbetet e paqartë.

Ukraina thotë se vendi ishte në shënjestër të Rusisë në një përpjekje për të shkatërruar provat e torturës dhe vrasjeve. Presidenti Volodymyr Zelensky e përshkroi incidentin si “krime lufte ruse”.

Nga ana e saj, Rusia tha se kampi u godit nga raketa precize ukrainase.

Ndryshe, në burg thuhet se ishin anëtarë të batalionit Azov, të cilët u kapën duke mbrojtur qytetin jugor të Mariupolit në muajin maj dhe të cilët Rusia ka kërkuar t’i përshkruajë si neonazistë dhe kriminelë lufte. /Telegrafi/