Magazina Po Flitet

Marrëdhënia e Kim Kardashianit drejt shembjes – i dashuri i saj fotografohet duke u përqafuar me një femër tjetër

Para 2 vitesh

I dashuri i Kim Kardashianit, Pete Davidson, është parë duke përqafuar një grua misterioze në xhirimet në Australi.

E gjithë kjo vjen pasi disa fansa besojnë se ylli Kim Kardashian po kthehet me Kanye Westin, shkruan tabloidi britanik The Sun.

Ylli i emisionit “Saturday Night Live”, Pete, u fotografua në xhirimet e filmit të tij të ri “Wizards” në çaste të afërta me një grua të panjohur.

Pete – i cili kishte veshur një këmishë të verdhë së bashku me një kapele me top jeshil të kthyer prapa – ishte i gjithi buzëqeshur ndërsa e mbante personin afër.

28-vjeçari u pa më vonë duke pirë duhan në xhirime dhe gjithashtu duke mbajtur një shportë blerjesh.

Filmi “Wizards” do të trajtojë temën e dy operatorë të bareve në plazh (role të luajtura luajtur nga Pete dhe Franz Rogowski) të cilët e gjejnë veten në shumë telashe kur gjejnë para të vjedhura.

Orlando Bloom dhe Naomi Scott do të përfshihen gjithashtu në kastin e filmit.

Ndërsa Pete ka qenë i zënë në Australi, disa fansa besojnë se e dashura e tij Kim, 41 vjeçe, mund të jetë duke u kthyer tek ish-burri i saj, Kanye.

Kohët e fundit, ylli i serialit “Keeping Up With the Kardashians” publikoi një fotografi të veprave artistike të krijuara nga James Turrell – i cili ndodh të jetë dikush që Kanye, 45 vjeç, është një fans i madh.

Filmi i reperit i vitit 2019, “Jesus is King”, u vendos në një instalacion masiv arti të krijuar nga artisti.

Kim po e ndjek në Instagram gjithashtu edhe artistin Haj, i njohur si Vizuel – i cili është një bashkëpunëtor i Kanyet.

Fansat e Kardashianit pohuan në një temë në internet se ndjekja e bashkëpunëtorit të Kanyet nga Kimi nënkuptonte se ata mund të “shikonin një ribashkim të ish-çiftit së shpejti”.

Kim u shpall zyrtarisht beqare më 2 mars 2022, pasi kishte paraqitur kërkesën për divorc nga ylli i muzikës hip-hop.

Kanye dhe Kim kanë katër fëmijë së bashku: North, nëntë vjeçe; Saint, gjashtë; Chicago, katër; dhe Psalmi, tre vjeç.

Disa nga miqtë e Kimit janë gjithashtu të shqetësuar për të ardhmen e saj me aktorin.

Një mik i Kimit i tha ekskluzivisht The Sun: “Kim është e ngarkuar me karrierën e saj, fëmijët dhe familjen – ajo nuk ka hapësirë për t’u ‘përfshirë’ në jetën e dikujt tjetër, kështu që i përshtatet asaj që Pete është më i ri dhe jeton në New. York dhe është larguar tani për disa javë”.

“Gjëja është se jeta e saj është planifikuar me kujdes muaj dhe muaj përpara – pse nuk po gjen kohë për të fluturuar jashtë dhe për të parë Peten?”, pyeti burimi, duke iu referuar faktit që Kim nuk e ka parë Pete Davdison më shumë se një muaj, ngase ky i fundit është ndodhur në Australi.

“Nuk është se ai mund të ngrihet dhe të lërë orarin e xhirimeve – të gjithë rreth saj po pyesin nëse kjo do të thotë se ata nuk janë aq serioz si çift sa ishin në fillim”, shtoi burimi.

Një person i brendshëm i mëparshëm tha se dyshja “janë ende të fortë, por po lundrojnë në distanca të gjata për një kohë që ai kryen xhirimet e filmit të tij në Australi”. /Telegrafi/