Në 14.1 % ka arritur shkalla e inflacionit në Kosovë, e cila vlerësohet alarmante nga njohës të ekonomisë. Këta të fundit por edhe përfaqësueses të opozitës kritikojnë kryeministri Albin Kurti i cili dje tha se qytetarët shpenzojnë më shumë dhe kursejnë më pak për shkak se kanë besim në qeverinë e udhëhequr nga ai. Ekonomistët kërkojnë nga kryeministri veprime konkrete dhe jo deklarata të tilla.
“Kur njerëzit kanë shpresë, atëherë shpenzojnë më shumë sesa kursejnë.”
Kështu u shpreh një ditë më parë kryeministri i Kosovës, Albin Kurti, teksa ministrit të jashtëm polak i tregoi për rritjen ekonomike.
Ky deklarim i Kurtit u bë në kohën e shumë kritikave për mosveprim ndaj krizës ekonomike dhe thellimit në inflacionit.
Qytetarët me të vërtetë thonë se po shpenzojnë, por sipas tyre, nuk kanë zgjidhje tjetër.
“Si zakonisht, tash i njëjti tretman i jetës është, ne s’mund ta ndryshojmë. Po çmimet po ndryshojnë, mirëpo edhe atyre po iu përballojmë disi”, thotë Vesel Veseli, njëri nga qytetarët.
“Për besë me kursy nuk po mundemi me kursy, a me shpenzu ma shumë po. Për fat të keq janë rritë çmimet edhe nuk kemi qare pa shpenzu”, thotë qytetari tjetër, Adriatik Krasniqi.
“Ne jemi si pensionerë, shpenzimet ditore i kemi të ulta, nga shumë gjëra kemi hequr dorë, ato cka janë luksoze kemi hequr dorë, e këto çka janë të domosdoshme lë të shkojnë në maksimum, nuk kemi qare, kjo është jeta tash”, thotë edhe qytetari, Zymer Maxharri.
Deklaratën e Kurtit e kritikon ekonomisti Safet Gërxhaliu.
“Në këtë drejtim besoj duhet të lihen anash metaforat filozofike që i kuptojnë vetëm ata që i thonë. Duhet të jenë me qytetarët dhe dhe me bizneset se vetëm me një ekonomi të shëndoshë dhe me një politikë sociale e cila është e përkohshme Kosova mund të ketë perspektivë”, deklaroi Gërxhaliu.
Kritika ndaj Kurtit për mungesë të veprimeve ka adresuar edhe kreu i LDK-së, Lumir Abdixhiku.
“Popullisti Albin Kurti nuk e njeh më realitetin. I dehur nga jeta prej pushtetari, ai i ka krijuar vetes një Kosovë paralele ku gjërat s’mund të jenë keq kur ai vet është mirë. Prandaj ai sot nuk njeh rritjen e çmimeve e vështirësitë e familjeve kosovare”.
E, sipas njohësit tjetër të ekonomisë, Jakup Bellaqa, inflacioni në Kosovë ka shënuar rritje rekorde.
“Tek ne kriza e ka bërë të vetë, inflacioni është shumë i lartë, në shifër 2 shifrore, zakonisht kemi disa lloje të inflacioneve, normali është 1 deri 3% vjetor, inflacioni mbi 3 deri 10 % është i moderuar, tek ne ka qenë i moderuar në vitin e kaluar”, u shpreh Bellaqa.
Agjencia e Statistikave ka treguar se norma vjetore e inflacionit në muajin qershor ka arritur në 14.1 për qind. /Dukagjini/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit