Të paktën pesëmbëdhjetë të vrarë pasi raketa ruse godet bllokun e apartamenteve në Chasiv Yar

Më herët ishte raportuar se disa raketa ruse shkatërruan një ndërtesë pesëkatëshe në qytetin lindor të Ukrainës, Chasiv Yar.

Tani të paktën 15 persona kanë mbetur të vrarë nga ky sulm – ndërsa Pavlo Kyrylenko, guvernator i rajonit të Donetsk thotë se të paktën 20 persona të tjerë mund të jenë të bllokuar nën rrënoja.

Sulmi raketor është i fundit në zinxhirin e sulmeve me viktima të shumta ndaj ndërtesave civile, përcjell Telegrafi.

Учора росіяни влучили «Ураганами» по п’ятиповерхівці в Часовому Ярі на Донеччині.

Знищені два під‘їзди. Щонайменше тридцять людей опинилися під завалами. Рятувальники вже дістали шістьох загиблих та п’ятьох поранених.

Джерело: голова Донецької ОВА Павло Кириленко. pic.twitter.com/m580bya6Wg

— Накипіло. Харків (@nakypiloua) July 10, 2022

Chasiv Yar gjendet rreth 20 kilometra në jug-lindje të Kramatorsk, qytet i cili pritet të jetë një shënjestër kryesore e forcave ruse të cilët kanë filluar të lëvizin drejt pjesës perëndimore.

Rajoni i Donetsk është një nga dy provincat që bashkë me Luhansk përbëjnë rajonin e Donbas, ku rebelët separatist kanë luftuar forcat ukrainase nga viti 2014.

Javën e kaluar, Rusia kishte pushtuar qytetin e Lysychansk, i cili ishte bastioni i fundit ukrainas i rezistencës ushtarake në Luhansk. /Telegrafi/