Policia jep detaje për zjarrin në Pejë – u dëmtuan tri shtëpi, zjarri shpërtheu fillimisht në një depo me vajra motorike

Policia e Kosovës në rajonin e Pejës, ka dhënë detaje lidhur me zjarrin që përfshiu sot një shtëpi në këtë qytet.

Në komunikatën për media, policia ka bërë të ditur se rreth orës 08:40 është informuar për një rast zjarri në rrugën “Perandori Justinian” në Pejë, ku nga ky zjarr ishte përfshirë një aneks (depo private që posedonte vaji motorik).

Lexo po ashtu Përfshihet nga zjarri një shtëpi në Pejë

Menjëherë njësitet policore të Stacionit Policor dhe Drejtorisë rajonale të Policisë në Pejë kanë reaguar në vendin e ngjarjes, dhe duke vlerësuar se zjarri mund të hapet edhe në objekte/shtëpi tjera të banimit kanë njoftuar edhe brigadën e zjarrfikësve të cilët kanë dal shumë shpejtë në vend ngjarje.

“Edhe përkundër intervenimit të shpejtë të Policisë dhe të zjarrfikësve nga Peja dhe qytetet për rreth si dhe nga KFOR-i, nga ky zjarr janë shkaktuar dëme të konsiderueshme, sepse përpos depos me vaji motorik janë dëmtuar dhe tri shtëpi banimi, pasi që ishin shumë afër njëra tjetrës”, thuhet në njoftim.

Lexo po ashtu Vihet nën kontroll zjarri që përfshiu një shtëpi në Pejë, policia ende nuk i di shkaqet

Policia thekson se pas një pune të madhe dhe shumë profesionale të këtyre njësiteve, zjarri është futur nën kontroll pas një kohe, ndërsa edhe me tutje njësitet policore janë duke punuar në vendin e ngjarjes nën koordinim me Prokurorin e shtetit, në mënyrë që të mbledhin dëshmi për të proceduar dhe hetuar se si ka ardh deri tek ky zjarr.

Ky rast me urdhër të Prokurorit të shtetit është iniciuar si “Shkaktim i rrezikut të përgjithshëm”, dhe është duke u proceduar nga Njësia rajonale për hetimin e krimit. /Telegrafi/