Rama në Samitin e BE-së: Ne shqiptarët nuk jemi aq të mirë sa të dorëzohemi bukur!

Kryeministri i Shqipërisë, Edi Rama ka vazhduar sot me deklaratat e tij ku shpreh pakënaqësinë për mungesën e hapjes së bisedimeve me Shqipërinë dhe Maqedoninë e Veriut nga Bashkimi Evropian.

Në një postim në Twitter pas fotos në grup të liderëve në samitin e BE-së për Ballkanin Perëndimor, Rama është shprehur se shqiptarët nuk dorëzohen dhe do të vazhdojnë të punojnë për anëtarësimin në BE.

“Vend i bukur, njerëz të këndshëm, fjalë të bukura, foto të bukura dhe imagjinoni sa më bukur mund të ishte nëse premtimet e bukura do të pasoheshin nga një dorëzim i këndshëm… Por ne shqiptarët nuk jemi aq të mirë sa të dorëzohemi bukur! Kështu që ne do të vazhdojmë dhe do të punojmë edhe më shumë për ta bërë Shqipërinë një anëtare të mirë të BE-së”, ka thënë Rama. /Telegrafi/

Nice place nice people nice words nice pictures and just imagine how much nicer could be if nice promises were followed by nice delivery… But we Albanians are not as nice as to give up nicely! So we will keep going and working even harder to make Albania a nice EU member??? pic.twitter.com/j057Ywf2tY

— Edi Rama (@ediramaal) June 23, 2022