Teslas i mungon fuqia punëtore në Gjermani – arsyeja, pagat e ulëta

Edhe pse shumë do të donin të punonin për Teslan, sindikata gjermane pretendon se pagat në kompanitë konkurruese janë rreth 20 për qind më të larta.

Kur Tesla filloi prodhimin e automjeteve të saj në Gigafactory Berlin të sapohapur këtë vit, ajo punësoi 3,000 njerëz dhe më pas u njoftua se do të punësonte mijëra punëtorë të rinj në muajt e ardhshëm.

Mirëpo, idetë e pronarit, Elon MUsk nuk po shkojnë sipas planit, ndaj në rrjet ka kohë që qarkullon informacione se Tesla ka probleme me punësimin në fabrikën e re, shkruan reuters.

Megjithatë, vetëm tani mësuam se paga e ulët është një nga arsyet e mungesës së fuqisë punëtore në fabrikën gjermane. Kështu pohojnë raportimet e fundit të mediave që janë transmetuar në Business Insider dhe të cilat bazohen në informacione nga sindikata më e madhe gjermane, IG Metall.

Sipas këtyre informacioneve, shumë punëtorë ishin të interesuar për një punë në Tesla dhe do të dëshironin të ndryshonin punën e tyre aktuale për të punuar në Gigafactory, por në fund ata hoqën dorë sepse do të vinin në një pozicion të ri pune ku paga e tyre do të ishte më e ulët.

Krahasuar me Tesla, paga për të njëjtën punë ose një punë të ngjashme me një nga prodhuesit konkurrues të veturave është rreth 20 për qind më e lartë, sipas sindikatës.

Lexo po ashtu Mekaniku spanjoll paditi Teslan për një defekt në veturë dhe fitoi gjyqin kundër kompanisë amerikane

Punonjësit në fabrikën e Tesla-s në Berlin janë ankuar tashmë për problemet me pagat e sindikatave dhe përderisa u mungojnë punëtorët në Gjermani, mund të presim largime nga puna në fabrika të tjera.

Përkatësisht, për shkak të “ndjenjës super të keqe” për ekonominë, Elon Musk së fundmi tha se dëshiron të shkurtojë deri në dhjetë për qind të vendeve të punës në kompani. /Telegrafi/