Katër arsye pse fëmijët kafshojnë të tjerët: Mos u shqetësoni, kjo fazë është kaluese

Mund të jetë mjaft e vështirë për prindërit të kuptojnë pse fëmijët e kanë zakon të kafshojnë të tjerët rreth tyre

Ka shumë arsye pas kësaj sjelljeje të fëmijës dhe pothuajse asnjëra prej tyre nuk tregon sjellje agresive ose të keqe.

Edhe pse diçka e tillë mund të jetë shumë zhgënjyese, veçanërisht nëse fëmija është në një kolektiv dhe thuajse çdo ditë dëgjoni raporte nga edukatorët për përpjekjet (por edhe sukseset) e tij për të kafshuar fëmijët e tjerë, duhet të dini se kjo fazë me siguri do të kalojë, transmeton Telegrafi.

Pse kafshojnë fëmijët?

Dalja e dhëmbëve

Për të ditur se është kështu, është e rëndësishme t’i kushtoni vëmendje nëse fëmija e ka zakon të kafshojë gjëra të tjera, si lodrat, jastëkun e tij apo kopertinën e librit. Në këtë situatë, fëmijës duhet t’i ofrohet ndonjë çamçakëz ose të lyhet me kremra që qetësojnë mishrat e dhëmbëve.

Ata eksplorojnë botën

Që nga lindja, fëmijët eksplorojnë mjedisin e tyre, duke përdorur gojën si udhërrëfyes. Ai do të vendosë gjithçka që mundet në gojë për t’u njohur më mirë me të.

Do t’ju tingëllojë e çuditshme sepse ju përdorni sensorë të tjerë si prekja, nuhatja ose shikimi për t’u njohur me objektet në mjedisin tuaj, por fëmijët më së shumti i besojnë shqisës së tyre të shijes. Kafshimi është vetëm një mënyrë për të mbledhur informacion.

Një mënyrë për të shprehur pakënaqësinë

Kur fëmijët janë të pakënaqur me diçka, të zemëruar apo edhe të hutuar, reagimi i tyre i zakonshëm është thumbues. Kjo është në fakt përgjigja e tyre e parë ndaj emocioneve të forta që ata nuk dinë ende si t’i përpunojnë. Ngjashëm me goditjen e fëmijëve të tjerë, kafshimi është praktikisht një vendim impulsiv. Edhe pse kjo sjellje konsiderohet normale, ajo nuk duhet të kalojë e pakontrolluar.

Si prind, duhet ta ndani fëmijën nga personi që e ka kafshuar, të konfirmoni zhgënjimin e tij, t’i shpjegoni se sjellja e tij nuk është e mirë dhe t’i jepni një mënyrë tjetër për t’u shprehur. Në këtë rast, është shumë e rëndësishme të jeni të qëndrueshëm dhe t’i transferoni metodat tuaja tek mësuesit e kopshtit.

Ata duan vëmendjen tuaj

Është e mahnitshme se sa shpejt dhe lehtë fëmijët mërziten, edhe kur nuk e dinë se çfarë do të thotë në të vërtetë. Ata gjithmonë kanë nevojë për ndonjë aktivitet që do të mbajë vëmendjen e tyre. Ajo që fëmijët duan më shumë janë aktivitetet që përfshijnë të rriturit dhe fëmijët e tjerë.

Nëse ndodh që fëmija të neglizhohet për ndonjë arsye, ai mund të fillojë të sillet në mënyrë destruktive. Ndoshta keni qenë shumë të zënë me gjëra të tjera dhe nuk e keni vënë re sa pak kohë keni kaluar me fëmijën tuaj dhe kafshimi është mënyra e tij për të tërhequr vëmendjen tuaj. /Telegrafi/