Azeski kërkon të merren masa urgjente sa nuk është përshkallëzuar situata ekonomike

Kryetari i Odës Ekonomike të Maqedonisë së Veriut Branko Azeski apelon që shteti të ndërmarrë masa të menjëhershme që do të nënkuptonin ballafaqim ndaj përshkallëzimit të mundshëm të gjendjes që mund të ndodhë gjatë dimrit të ardhshëm. Kërkon kursime si nga shteti, ashtu edhe nga qytetarët dhe kompanitë. Në veçanti, thotë ai, duhet të kursehet energjia elektrike.

“Fillimisht duhet të themi hapur se vendi është në një gjendje të vështirë, diçka që e kam përsëritur gjatë gjashtë muajve të fundit dhe po kërkoj veprime serioze për këtë. Kemi disa kushte të cilat definitivisht janë identifikuar, të cilat vështirë se mund të ndikojnë në aktivitetin ekonomik, duke sjellë mbylljen e kompanive dhe zvogëlimin e vendeve të punës”, tha Azeski.

Shteti është i orientuar të shpëtojë qytetarinë, thotë ai, por nëse nuk kuptohet se duhet përkrahja e kompanive, nëse kjo nuk ndodh, do të kemi probleme serioze.

Sipas tij, duhet të kursehet në gjithçka. Shteti, thekson, duhet të nxitë këtë proces dhe ne të gjithë ta pranojmë, për atë që e gjithë kjo mund të jetë e rëndësishme në këtë periudhë. As një nga çështjet e hapura që kanë krijuar krizën nuk është zgjidhur, thekson Azeski, për shkak se mund të përdoren të gjitha mekanizmat për të menaxhuar me gjendjet.

Veçanërisht problematike, sipas tij, mund të jetë rritja e çmimit të energjisë elektrike që ndikon në punën e kompanive. Shteti, në fakt të gjitha Qeveritë, thekson si, janë ata që sjellin në gjendjen të mos kemi prodhimtari të mjaftueshme vetanke për të plotësuar nevojat tona.

Azeski konsideron se është koha për të bërë gjithçka që kemi në dorë për tu ballafaquar me disa gjendje që mund të ndodhin gjatë dimrit të ardhshëm.

“Të krijohen kushte për diçka që mund të bëhet realisht, të ulet konsumi, të rritet prodhimi, të bëhet ç’është e mundur për momentin, sepse çdo ditë humbim kohë deri në sezonin e ngrohjes që kur vjen puna lindin probleme të theksuara. Nëse them se mund të ketë probleme të tjera që do të lindin në planin ndërkombëtar, këto që po flasim do të jenë margjinale. Prandaj them që ne duhet t’i zgjidhim tona, së paku ato që mundemi dhe të jemi të vetëdijshëm se mund të ketë probleme të tjera siç është furnizimi me gaz”, thotë Azeski.

Sipas tij, ka indikacione serioze se ka lëvizje të pazakonta në kompanitë në fushën e transaksioneve, veçanërisht në kompanitë që tregtojnë dhe se mund të ketë presione inflacioniste nga kjo anë. Prandaj, sipas tij, nevojiten kontrolle që do të jenë në atë drejtim për të bërë përpjekje për të parandaluar disa procese që mund të ndikojnë në ekonominë e përgjithshme.