Pas dy vjetësh pauzë për shkak të pandemisë COVID-19, në Pallatin e Rinisë në Prishtinë u hap edicioni i 22- të i Panairit të Librit, në të cilin do të marrin pjesë mbi 100 shtëpi botuese me rreth tre mijë tituj të rinj.
I lumtur për rikthimin e Panairit të Librit pas një pauze prej 2 vitesh, u shpreh Ministri i Kulturës Rinisë dhe Sportit, Hajrullah Çeku.
“Jam shumë i lumtur që ky rikthim po ndodh pas një pauze. Duhet ta pranojmë që komuniteti i botuesve është mjaft mirë i organizuar dhe kjo ngjarje e ka marrë një lloj epiteti të caktuar, të ngjarjes së rëndësishme kulturore, ku ne të gjithë së bashku mbledhemi për ta kremtuar librin në një moment të rëndësishëm të rikthimit”, u shpreh Çeku.
Edon Zeneli, kryetar i Shoqatës së Botuesve të Kosovës, tha se gjatë periudhës së vështirë me COVID dhe izolimit të plotë libri shërbeu si dritare për të shijuar lirinë.
Ai tha për Telegrafin se panairin e sivjetëm të librit pritet ta vizitojnë rreth 40 mijë lexues e vizitorë.
“Risia kryesore e Panairit të 22-të të Librit, janë titujt e ri të librit që ka dalë nga panairi i kaluar deri tek panairi i sivjetëm. Po flasim për tre mijë tituj të rinj, që kanë dalë gjatë këtij çarku kohor. Janë mbi 30 aktivitete që mbahen gjatë ditëve të panairit, promovime librash, diskutime me autorë dhe nënshkrime në stenta. Dhe krejt këto, për gjashtë ditë, sa zgjat panairi, i japin këtij ambienti një karakter shumë të gjallë, shumë afirmues për librin. Për këto gjashtë ditë pritet që rreth 40 mijë vizitorë ta vizitojnë panairin”, deklaroi Zeneli.
Shtëpia Botuese “Dukagjini” në këtë panair ka sjellur përplot risi për lexuesit e saj.Adelina Selmani nga kjo shtëpi botuese tha për Telegrafin se këtë vit ata kanë zgjeruar audiencën e leximit.
“Ne tashmë që nga viti i kaluar kemi filluar, një kolandë dhe një inprint të ri. Në kuadër të secilës seri ne kemi sjellë edhe disa botime të reja për këtë panair. Këtë vit Shtëpia Botuese ‘Dukagjini’ e ka zgjeruar audiencën e saj, duke mos u fokusuart vetëm te një tip i lexuesit, por duke tentuar të përfshijë shije të ndryshme dhe lexues të ndryshëm”, tha Selmani.
Vizitori i panairit Egzon Arifi tha se e ka pritur me padurim hapjen e Panairit këtë vit, duke shtuar se Kanuni i Lekë Dukagjinit, është libri që këtë vit dëshiron ta blejë në panair.
“Me shumë padurim e kam pritur hapjen e panairit. Më pëlqyen shumë tituj që i kishin shfaqur shtëpitë e ndryshme botuese… Këtë vit do ta blej Kanunin e Lekë Dukagjinit nga Shtjefën Gjeqovi”, tregoi Arifi.
Ndërsa Gani Mehmetaj e vlerësoi si shumë të mirë faktin se në këtë panair ka më shumë shtëpi botuese sesa herave të tjera.
“Është mirë që u hap panairi. Kishte interesim nga njerëzit për të blerë libra. Mirëpo, kishte edhe shumë shtëpi botuese më shumë se herave të tjera”, tha ai.
Edicioni i sivjem i panairit, i 22-ti me radhë, mbahet me moton “Libri mbron mendjen”.
Këtë vit i ftuar special në Panairin e Librit ishte shkrimtari francez Claude Arnaud.
Panairi i Librit i Prishtinës, krahas atij të Tiranës është panairi më i madh i librit shqip. Panairi i Librit në Prishtinë do të jetë i hapur deri më 12 qershor.
Në panair po marrin pjesë rreth 100 botues nga Kosova, Shqipëria, Maqedonia e Veriut dhe diaspora, me rreth 2 mijë tituj të rinj./Telegrafi/
Promo
Reklamo këtuLufta Prigozhin - Putin
Më shumëNga Rubrika
Banka e Shqipërisë parashikon rritje ekonomike 3.8 për qind për vitin 2024
“Ratko Mlladiq hero i popullit” – grafitet që po provokojnë qytetarët shqiptarë në veri
“Luani i Gllogjanit, ishte kthyer në luan të UÇK-së” – Kurti dhe liderët politikë kujtojnë Luan Haradinajn në 27 vjetorin e rënies së tij
Ndalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'