Pas anulimit të vizitës së Lavrovit në Beograd dhe mbështetjes së Ballkanit të Hapur nga Rusia – reagon Bugajski: Bën thirrje të mos ndiqet axhenda Moskë-Beograd  

Pas paralajmërimit të Moskës së shefi i diplomacisë Sergei Lavrov do të duhej që sot të vizitonte Serbinë, ku më pas një gjë iu pamundësua pasi Bullgaria, Maqedonia e Veriut dhe Mali i Zi ndaluan fluturimin e aeroplanit të tij mbi hapësirën e tyre ajrore, reaguan politikanë nga Evropa dhe Shtetet e Bashkuara.

E personi i fundit që ka komentuar vizitën e Lavrovit që reagoi ashpër pasi u detyrua të anulojë vizitën dhe të kërcënojë disa vende të Ballkanit Perëndimor, është Janusz Bugajski, transmeton Telegrafi.

Sikur të mos i mjaftonte anulimi i vizitës dyditore në Serbi, Lavrov gjeti kohë që të trajtojë paksa çështjen e Ballkanit të Hapur, ku ia atribuoi “pikët poltike” Serbisë, duke e quajtur nismëtare.

Lexo po ashtu Rusia mbështet "Ballkanin e Hapur", Lavrov e quan nismë të Beogradit zyrtar

Megjithatë politologu i njohur Bugajski ka shkruar në Twitter se Kremlini e sheh Ballkanin e Hapur si një mjet të dobishëm për përmbysjen dhe ndarjen e Evropës.

Ai ka bërë thirrje për kujdes dhe vëmendje ndaj veprimeve ruse në Ballkan – ku theksoi se qeveritë properëndimore duhet ta braktisin skemën dhe të mos ndjekin axhendën Moskë-Beograd.

“Kremlini e sheh Ballkanin e Hapur si mjet të dobishëm për përmbysjen dhe ndarjen e Evropës. Qeveritë properëndimore duhet ta braktisin skemën dhe të mos ndjekin axhendën Moskë-Beograd”, ka shkruar Bugajski. /Telegrafi/

The Kremlin views "Open Balkans" as a useful tool for subverting and dividing Europe. Pro-Western governments should abandon the scheme and not follow the Moscow-Belgrade agenda. https://t.co/PMA25urI8G

— Janusz Bugajski (@JBugajskiUSA) June 6, 2022