Administrata Tatimore me aksion ndaj bizneseve që i kanë borxhe, mbledh mbi 1 milion euro

Administrata Tatimore e Kosovës njofton se ka arritur të mbledh mbi 1 milion euro borxhe.

Sipas njoftimit të ATK-së, janë kryer kontrolle në 22 biznese që kishin borxh rreth 3 milionë euro.

“Departamenti i Mbledhjes së Detyrueshme ka vazhduar me aktivitete të intensifikuara për mbledhjen e borxheve. Aktiviteti i masave të sforcuara është i dyti me radhë brenda pak ditëve, ku dje, me datë 31 maj 2022 janë ndërmarr veprime te 22 subjekte biznesore, të cilët kishin obligim ndaj ATK-së 2.9 milionë euro. Veprimet e mbledhësve tatimor kanë rezultuar të suksesshme duke u kryer pagesat e menjëhershme të mbi 1 milion eurove nga ana e bizneseve borxhlinj”, njofton ATK-ja, përcjell Telegrafi.

ATK thekson se pjesa e tjetër do t’i paguan borxhet me këste.

“Pjesa tjetër do të vazhdoj të trajtohet duke i paguar borxhet përmes marrëveshjeve me këste. Aktivitetet në fjalë janë zhvilluar në Prishtinë, Prizren, Pejë, Ferizaj, Mitrovicë e Veriut, Kaçanik, si dhe në Drenas”, përfundon njoftimi. /Telegrafi/