Historia e takimeve me njëra-tjetrën mes Liverpoolit dhe Real Madridit në Ligën e Kampionëve

Anglezët e Liverpoolit kanë rezultate më pozitive nga përballjet e drejtpërdrejta me spanjollët e Real Madridit në ndeshjes mes vete në Ligën e Kampionëve.

Liverpooli dhe Real Madridi do të ndeshen mes vete nesër (e shtunë) me fillim nga ora 21:00 në Stade de France në Paris.

Megjithatë, takimet mes dy klubeve gjigante evropiane janë të njohura tashmë e sidomos në vitet e fundit janë ende të freskëta.

Lexo po ashtu Breshka 30-vjeçare parashikoi se kush do ta fitojë Ligën e Kampionëve

Reds dhe Los Blancos u takuan mes vete së fundmi në çerekfinalen e Ligës së Kampionëve në sezonin 2020/21, ku Mbretërit kaluan tutje, pas barazimit 0-0 në Anfield dhe fitores 3-1 si vendas.

Mbretërit gjithashtu ishin skuadër më e mirë edhe në finalen e madhe të sezonit 2017/18, duke mposhtur Liverpoolin me rezultat 3-1 dhe duke fituar trofeun.

Por, Reds në përgjithësi kanë rezultate pozitive në takimet e drejtpërdrejta me Real Madridin.

Nga tetë ndeshje në total, Liverpooli ka fituar katër, Real Madridi një dhe një takim është mbyllur baras.

Por, Reds kanë goldallim më të keq, pasi kanë shënuar tetë gola, kundrejt 10 nga Los Blancos.

Ndeshja e parë mes dy klubeve ishte finalja e sezonit 1980/81, ku Liverpooli triumfoi me rezultat minimal 1-0.

Liverpooli ka shënuar fitoren më të thellë 4-0, ndërsa Real Madridi ka fituar një herë 3-0. /Telegrafi/