Tetë komuna në Maqedoni do të jenë pjesë e projektit “Mbrojtja nga korrupsioni”
Qendra për komunikim civil (QKC) në tre vitet e ardhshme do ta realizojë projektin “Mbrojtja nga korrupsioni” në tetë komuna në secilin rajon të vendit. Kryetari i QKC-së, German Filkov, theksoi se ky projekt do të përfshijë jo vetëm komunat si institucione, por edhe institucionet që janë në kompetencë të tyre. Sipas tij, qëllimi i projektit është zvogëlimi i korrupsionit dhe keqpërdorimit të mjeteve publike në nivel të vetëqeverisjes lokale duke rritur transparencën, llogaridhënien dhe integritetin e komunave.
“Korrupsioni është po aq i madh në të gjitha komunat në mbarë vendin, tregojnë hulumtimet. Do të përfshijmë ata sektorë që sipas hulumtimeve janë më të korruptuarit. Këtu janë furnizimet publike, shërbimet inspektuese, lëshimi i lejeve të ndërtimit, lejet e integruara ekologjike, marrja me qira dhe disponimi i pronës së njësive të vetëqeverisjes lokale, shkollave etj”, tha Filkov.
Njëkohësisht, siç njoftoi Filkov, gjatë këtij projekti do të monitorohet zbatimi i Strategjisë nacionale për luftimin e korrupsionit të Komisionit shtetëror për parandalimin e korrupsionit.
Ambasadori i Mbretërisë së Holandës, Dirk Jan Kop, si përfaqësues i donatorit të këtij projekti, theksoi se Maqedonia e Veriut ka bërë mjaft për të siguruar që tani të ketë legjislacion adekuat dhe kornizë institucionale për të luftuar korrupsionin, si dhe për të përmirësuar masat kundër korrupsionit. Megjithatë, edhe pse kjo është e pranuar, fatkeqësisht ai theksoi se Maqedonia e Veriut është ende në grupin e vendeve që konsiderohen shoqëri me korrupsion të lartë.
“Është në grup me vende si Etiopia, Kolumbia. Ky nuk është një nga grupet ku dëshironi të bëni pjesë. Është shumë larg mesatares së BE-së. Kjo sepse pavarësisht se tashmë kemi një kornizë ligjore dhe legjislative, zbatueshmëria mungon sepse nuk ka vullnet politik. Për shembull, kur KSHPK-ja zbulon korrupsionin, legjislacioni duhet të monitorojë dhe t’i sigurojë qytetarët se nuk ka korrupsion në furnizimet publik, ndërtimet etj. Gjyqësori dhe prokuroria duhet të marrin përgjegjësi dhe të vendosin transparencë dhe llogaridhënie. Lufta kundër korrupsionit është përgjegjësi e të gjithëve dhe është në dobi të të gjithëve”, tha ambasadori Jan Kop.
Ky projekt do të përfshijë komunat Manastir, Kërçovë, Kumanovë, Negotinë, Strumicë, Tetovë, Çair dhe Shtip.
Lufta Prigozhin - Putin
Më shumë"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Politikani serb: Kam bërë padi në GjND për krimet serbe ndaj shqiptarëve të Kosovës
Kushtëzimi i Kosovës për në KiE, eurodeputeti gjerman, Butikofer: Gabim i keq i Qeverisë gjermane
BE reagon për draft statutin e paralajmëruar nga Kosova për Asociacionin
Rama i përgjigjet deklaratave të Vulin
Flet shqiptari që vrau gruan: Nuk pendohem, hante me paratë e mia dhe më tradhtonte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë