Motra e Amber Heard thotë se ishte dëshmitare kur Johnny Depp abuzoi me motrën e saj

Motra e Amber Heard dëshmoi të mërkurën (18 maj) se ajo ishte prezente kur aktori Johnny Depp e kapi Heardin nga flokët dhe e goditi në fytyrë në mënyrë të përsëritur kur ata ishin të martuar.

Whitney Heard Henriquez, motra më e vogël e Heard, dëshmoi në gjykatë si pjesë e çështjes së vazhdueshme të shpifjes midis Heard dhe ish-bashkëshortit Depp.

Henriquez tha se ajo jetoi me Heard dhe Depp gjatë rrjedhës së marrëdhënies së tyre dhe se ajo e shihte aktorin si një vëlla.

Henriquez dëshmoi për një grindje në të cilën ajo pa Depp duke hedhur një kanaçe Red Bull në infermieren e tij, Debbie Lloyd, të cilën Lloyd e mohoi në dëshminë e saj.

“Ai vjen pas meje, më godet në shpinë. Dëgjoj Amberin duke bërtitur mos e godit motrën time. Në atë kohë Johnny tashmë e kishte kapur Amberin nga flokët me njërën dorë dhe po e godiste vazhdimisht në fytyrë me tjetrën dorë”, tha Henriquez.

Depp e ka akuzuar Heardin se e ka shpifur për të në një shkrim të vitit 2018 për ‘Washington Post’, shkruan CNN.

Në artikull, i cili u botua afërsisht dy vjet pasi ata u divorcuan, Heard e përshkroi veten si një “figurë publike që përfaqëson abuzimin në familje”.

Megjithëse Depp nuk u përmend në artikull, ai pretendon se kjo i kushtoi atij role fitimprurëse aktrimi.

Heard ka paraqitur një kundërpadi për 100 milionë dollarë.

Heard e ka akuzuar Deppin se e ka abuzuar fizikisht dhe seksualisht gjatë gjithë marrëdhënies së tyre. Depp mohoi të ketë goditur ndonjëherë Heardin gjatë dëshmisë së tij.

Henriquez, i cili u ekzaminua nga avokatja e Deppit, Rebecca Lecaroz, tha se ajo ndonjëherë sillej si një këshilltare martese dhe, nganjëherë, mbante anën e Deppit në argumente.

Lecaroz e pyeti Henriquezin se pse ajo e mbështeti motrën e saj kur donte të qëndronte akoma në marrëdhënien me Depp.

“Ju dëshironit që Heard të qëndronte me Depp edhe pasi e patë që e godiste, apo jo?”, pyeti Lecaroz.

“Kjo është me të vërtetë thjeshtim i tepërt i diçkaje që nuk është aspak e thjeshtë. Përsëri, Amber ishte shumë e dashuruar, ashtu ishte edhe Johnny. Ajo më thotë se ajo dëshiron diçka. Pavarësisht nëse kam qenë dakord apo jo me të, nëse isha mirë apo jo me atë që ishte duke ndodhur, ajo nuk më takonte mu”, dëshmoi Henriquez.

Të mërkurën, anëtarët e jurisë dëgjuan gjithashtu dëshmi nga dëshmitarë të shumtë, duke përfshirë një grimier dhe një trajner aktrimi që punoi me Heard, i cili tha se e panë Heard me lëndime gjatë marrëdhënies së saj me Depp.

Dëshmitarë të shumtë thanë se e panë Heardin me lëndime në fytyrë pas një grindjeje të majit 2016 që përfundimisht parapriu që Heard të merrte një urdhër ndalimi kundër Depp dhe çifti të divorcohej.

Dëshmia e tyre bie ndesh me atë të dy oficerëve të policisë së Los Angelesit, të cilët dëshmuan më herët në gjyq se nuk panë lëndime të dukshme në fytyrën e Heard ose rrëmujë në shtëpinë e ish-çiftit. /Telegrafi/