Nga: Ben Blushi
Frederik Ndocin e gjeta në një kafe. Po fliste me gruan në “Skype”.
– Ja, më tha, – kjo është gruaja ime e fundit.
– Është e pesta, – thashë unë.
– Është e fundit, – tha Frederiku.
– E beson që je e fundit, – pyeta gruan.
– Se merr njeri Rikun pas meje, – tha gruaja.
– Pse të thotë Rik, – pyeta Frederikun.
– Edhe Rri dhe Ik, – tha Frederiku, d.m.th. bëj ç’të duash.
– Kur ke ardhur, – i thashë.
– Kam 70 ditë në Tiranë, – tha.
– Ç’bën këtu?
– Po pres të më japin një dekoratë, – tha Riku, – më thanë hajde urgjent.
– Po ç’është kjo urgjencë 70 ditë, – e pyeta.
Procedurat, – tha Riku, – kam bërë një dosje të plotë ja shife.
– Nuk me duhet dosja, a ke bërë ndonjë këngë?
– Kam bërë, – tha Riku.
– Si quhet, – i thashë.
– Kënga e Pijes.
Ma këndo, – i thashë.
– Dikush pin për me kthye shnetin
Dikush pin se asht mësu
Dikush pin me çel bisedën
Dikush pak me e provu.
– Po ti për çfarë pi, – e pyeta.
– Unë pi për të çel bisedën, – tha Riku.
– Sa këngë ke bërë gjithsej?
– 400 janë të orkestruara.
– Kush ka më shumë këngë se ty?
– Askush, – tha Riku, – a e di ç’a më thoshte Robert Radoja?
– Ma thuaj, – i thashë.
– Berti më thoshte që kur të vdesësh do harrohesh shpejt, sepse askush nuk i këndon dot këngët e tua pasi zëri yt është i pazëvendësueshëm.
– Po ti je fetar, – a beson te jeta pas vdekjes?
– Besoj sigurisht, – tha Riku.
– Po ty kush të ka krijuar prindërit apo Zoti?
– Materien, d.m.th. trupin, ma kanë krijuar prindërit, kurse shpirtin ma ka dhënë Zoti, – tha Riku
– Ku jeton në Amerikë, – e pyeta.
– Në Tampa Bej, – tha Riku.
– Herën e fundit që jemi takuar jetoje në Nju-Jork.
– Nju-Jorku u bë i pajetueshëm nga kovidi.
– Pse, të zuri kovidi? – e pyeta.
– Kovidi nuk ekziston, – tha Riku.
– Mua më kanë vdekur shokë nga kovidi, – thashë unë.
– Është sajesë e Iluminatit, – tha Riku, – më beso.
– Po pse e sajoi Iluminati, kovidin, ç’a thua kështu, – i thashë.
– Për të zvogëluar botën. Plani i tyre është që bota të ketë 600 milionë banorë.
– D.m.th. do vdesin nja tetë miliard të tjerë po thua?
– Po tha Riku, pas kovidit do kontaminojnë ujin, do shofësh çfarë do ndodhë.
– Po çfarë interesi ka Iluminati që vret njerëz, a nuk i duhet fuqi punëtore bizneseve të tyre?
– Kanë shpikur robotët që zëvendësojnë njerëzit dhe nuk kanë pse paguajnë pensione dhe mbajnë miliarda me ushqime. Ata duan t’i zhdukin të varfrit.
– Kush janë Iluminati, – pyeta.
– Janë të majtët, Morgan, Rokfeler, Rothshild, këta janë ata që kërkojnë Rendin e Ri.
– Unë nuk i besoj këto gjëra, – i thashë, – por ndoshta bota ka nevojë për një Rendin e Ri, për një resetim.
– Ja dhe ti je si këta, – tha Riku, – dikur kam pasur besim te ty, bëre dhe një parti shumë të mirë pastaj shkove prapë me këta.
– Po si mund të besoj se kovidi u sajua për të vrarë njerëz? – i thashë.
– Po – tha Riku, – kovidi shpërndahet me dron nga ajri.
– Ku janë këta dron, s’kam parë gjë?
– Dalin natën, – tha Riku, – hedhin pluhur mbi qytete.
– Rik a ka njeri që frenon Iluminatin?
– Vetëm një njeri mund ti frenojë, – tha RIku.
– Kush, pyeta unë
– Donald Trump, – tha Riku.
– Trump i humbi zgjedhjet, – thashë unë.
– Ia vodhën, 82 për qind e Amerikës votoi për të.
– Ç’a thua, – i thashë, – edhe ti beson që zgjedhjet në Amerikë vidhen?
– Unë kam fakte, – tha Riku, – unë jam Trump Team, ata ndryshuan fletët e votimit në shumicën e shteteve.
– E ti më thua pse e le partinë, kur i vjedhin votat Trumpit po mua si nuk mi vjedhin?
– A e di kush ia vodhi votat Donaldit?
– Kush? – e pyeta.
– Vatikani, – tha Riku.
– Rik, – i thashë, – je dhe katolik si mund të thuash që Vatikani vjedh vota.
– Po, sepse Papa është me Iluminatin dhe hakerat e Vatikanit vodhën votat në Amerikë, po ju këtu në Evropë nuk keni informacion.
– Sipas teje fiton prapë Trump?
– Qind për qind, – tha Riku.
– E çfarë ndodh nëse fiton?
– Do ketë luftë, tha Riku.
– Prapë luftë, e pyeta unë.
– Do jetë ndeshja finale mes Iluminatit dhe Templarëve, të majtët janë Iluminati, Trumpi përfaqëson Templarët.
– Akoma me këto histori prej një mijë vitesh, ça thua kështu Rik?
– Është betejë e madhe, – tha Riku, – a e di që këta luftojnë për sekretet e Mbretit Solomon?
– Çfarë sekretesh kishte Mbreti Solomon?
– Solomoni kishte sekretin e pavdekësisë, – tha Riku.
– Edhe ti beson që dikush e ka formulën e pavdekësisë?
– Ore, shif Soros nuk po vdes akoma, është kthyer në dinozaur.
– A je vaksinuar? – e pyeta.
– Unë jam antivaks, – tha Riku.
– Si mund të jesh kundër vaksinës, atë e provon shkenca, – thashë unë.
– Ma jep numrin e vaksinës të të them nga çfarë sëmundje do vuash, sepse bashkë me vaksinën të kanë futur sëmundje në trup.
– Kur do ikësh në Amerikë? – e pyeta.
– Këto ditë, – tha Riku.
– Nuk do e presësh dekoratën e Presidentit?
– Nuk e di a do ma japin, edhe këtu drejton Iluminati.
– Po ç’i duhemi ne Iluminatit, Shqipëria është shumë e vogël, – thashë unë.
– A e ke parë flamurin tonë, – tha Riku.
– Natyrisht që e kam parë.
– Ato dy kokat e shqiponjës me gjuhë jashtë janë gjarpërinj, është simbol i Iluminatit.
– Po pse Iluminati e vuri simbolin e vet te flamuri jonë dhe nuk e vuri te flamuri italian apo francez, ç’a thua kështu, ai është simbol bizantin, – thashë unë.
– E ke gabim, – tha Riku, – edhe Perandoria Osmane ishte krijesë e Iluminatit.
– Do bëjmë ca fotografi, – e pyeta.
– Bëjmë, – tha Riku, – por do nxjerrësh dy simbolet e mia.
– Kush janë simbolet e tua? – e pyeta.
– Kryqi në vesh dhe kapela në kokë, – tha Riku, – njëra më bën katolik tjetra xhentëlmen.
– Do ti nxjerr, – thashë unë.
– Mos harro të më çosh numrin e vaksinës të të them nga se do vdesësh, – tha Riku.
– Nuk dua ta di, – thashë unë.
– Mirë tha Riku, nëse ndonjëherë bëhesh kurioz, më merr në telefon …
Promo
Reklamo këtuLufta Prigozhin - Putin
Më shumë![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Publikohen pamjet e reja të Titanikut - anija e famshme po kalbet në fund të oqeanit](https://telegrafi.com/wp-content/uploads/2024/09/Screenshot_3-4-780x439.jpg)
Publikohen pamjet e reja të Titanikut - anija e famshme po kalbet në fund të oqeanit
![Historiku i përleshjeve Capat-Sekiraqa, që përfundoi me viktima](https://telegrafi.com/wp-content/uploads/2024/09/sekiraqa-capajt-780x439.jpg)
Historiku i përleshjeve Capat-Sekiraqa, që përfundoi me viktima
![Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike](https://telegrafi.com/wp-content/uploads/2024/09/cats-780x439.jpg)
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
![Real Madridi kishte vetëm dy objektiva të tjerë në verë - kishte arsye të forta pse u tërhoq](https://telegrafi.com/wp-content/uploads/2023/12/BPQN7R3XVJHJJPOM26UCP6ZLDA-780x439.jpg)
Real Madridi kishte vetëm dy objektiva të tjerë në verë - kishte arsye të forta pse u tërhoq
![Çfarë tregojnë historitë e zëvendëspresidentëve për shanset e Kamala Harrisit?](https://telegrafi.com/wp-content/uploads/2024/09/Screenshot_1-4-780x439.jpg)
Çfarë tregojnë historitë e zëvendëspresidentëve për shanset e Kamala Harrisit?
![Finlanda do të zgjidhë një nga sfidat më të mëdha të njerëzimit](https://telegrafi.com/wp-content/uploads/2024/09/Screenshot_1-5-780x439.jpg)
Finlanda do të zgjidhë një nga sfidat më të mëdha të njerëzimit