Ukraina po gjykon ushtarin e parë rus për krime lufte – ai thotë se u detyrua të vriste të moshuarin ukrainas

Gjyqi ndaj një ushtari rus për vrasjen e një civili të paarmatosur filloi të premten, rasti i parë që nga fillimi i agresionit rus më 24 shkurt në Ukrainë.

Vadim Shishimarin (21) është anëtar i një njësie tankesh ruse dhe akuzohet se ka qëlluar në kokë një ukrainas 62-vjeçar përmes një dritareje të hapur veture në fshatin verilindor Chupahivka .

Pas arrestimit të ushtarëve, Shërbimi i Sigurisë së Ukrainës, i njohur si SBU, publikoi një video të shkurtër të Shishimarinit, ku shfaqej momenti i vrasjes së një burri, raporton newyorkpost.

“Më urdhëruan të qëlloja”, tha ushtari dhe shtoi, “unë qëllova mbi të. Ai ra. Ne vazhduam të ecnim”.

Të premten, shumë gazetarë u mblodhën në sallën e vogël të Gjykatës së Qarkut Solomyansky në Kiev, ku Shishiramin u shfaq në një kafaz të vogël prej xhami.

Ai përballet me burgim të përjetshëm nëse shpallet fajtor për akuzat sipas ligjit të luftës në Ukrainë.

Ndërkohë, zyra e kryeprokurores së Ukrainës, Irina Venediktova, tha se po hetonte më shumë se 10 mijë raste të krimeve të mundshme lufte, duke përfshirë vrasjet dhe rastet e torturës.

Ndryshe, shumë nga mizoritë e supozuara ruse u zbuluan muajin e kaluar pasi forcat e Moskës hoqën dorë nga përpjekjet për ta futur nën kontroll Kievin dhe u tërhoqën nga kryeqyteti, duke lënë pas varre masive dhe trupa të pajetë në rrugët e qyteteve si Bucha. /Telegrafi/

Captured Russian soldier, 21-year-old Vadim Shishimarin, was charged with the murder of a 62-year-old civilian in the first war crimes trial held by a Ukrainian court arising from Russia's invasion https://t.co/4aijRJp6hk pic.twitter.com/S2kPpQmX2P

— Reuters (@Reuters) May 13, 2022