Rusia po e humb luftën kundër hakerëve, vidhen të dhënat e dhjetëra kompanive dhe agjencive qeveritare

Dhjetëra kompani ruse dhe agjenci qeveritare janë hakuar si ndëshkim për agresionin ushtarak të Vladimir Putinit ndaj Ukrainës.

Rusia njihet për ushtrinë e saj të hakerëve, por që nga fillimi i agresionit, dhjetëra organizata – duke përfshirë agjencitë qeveritare, kompanitë e naftës dhe gazit dhe institucionet financiare – janë hakuar, ku Terabajt të dhëna të vjedhura kanë rrjedhur në internet.

Organizata “Distributed Denial of Secrets” e njohur më së shumti për publikimin në vitin 2020 të 270GB të të dhënave të zbatimit të ligjit në Shtetet e Bashkuara të Amerikës (gjatë protestave për drejtësinë racore pas vrasjes së George Floyd), është bërë shtëpia “de facto” e të dhënave të hakuara nga Rusia. Të dhënat i dorëzohen “DDoSecrets” kryesisht nga hakerët anonim dhe ato më pas vihen në dispozicion të publikut në faqen e internetit të kolektivit dhe shpërndahen duke përdorur BitTorrent.

“Vërshimi i të dhënave ruse ka nënkuptuar shumë natë pa gjumë dhe është me të vërtetë dërrmuese. Në më pak se dy muaj që nga fillimi i pushtimit, ne kemi publikuar mbi 6 milionë dokumente ruse – dhe është absolutisht ashtu”, tha Emma Best, bashkëthemeluese e “DDoSecrets” përmes një aplikacioni të koduar të mesazheve.

JSC Bank PSCB, you are now controlled by Network Battalion 65. We're very thankful that you store so many credentials in Chrome. Well done.

It's obvious that incident response has started. Good luck getting your data back without us.
Tell your government to GTFO of #Ukraine pic.twitter.com/1HYikMU99N

— NB65 (@xxNB65) April 18, 2022

Pas marrjes së një grupi të dhënash, “DDoSecrets” organizon dhe përmbledh të dhënat, më pas fillon shpërndarjen e të dhënave duke përdorur BitTorrent për konsum publik dhe i ndihmon gazetarët në një gamë të gjerë redaksish të kenë qasje dhe raportojnë për to.

“DDoSecrets” ka publikuar rreth 30 grupe të dhënash të hakuara nga Rusia që nga fillimi i pushtimit të Ukrainës në fund të muajit shkurt.

Shumica dërrmuese e burimeve që dhanë të dhënat e hakuara ruse, duket se janë individë anonimë, shumë që vetë-identifikohen si pjesë e lëvizjes Anonymous.

Disa burime ofrojnë e-mail adresa ose informacione të tjera kontakti si pjesë e të dhënave të hedhura dhe disa, si “Network Battalion 65” janë të pranishme në mediet sociale. /Telegrafi/