Roth: BE-ja t’i mbajë premtimet, Kosovës t’i jepet liberalizimi i vizave – Rusia po destabilizon Ballkanin Perëndimor

Ish-ministri gjerman për Evropën, Michael Roth, i ka bërë thirrje Bashkimit Evropian që t’i mbajë premtimet dhe Kosovës t’i jepet liberalizimi i vizave.

Roth në një postim në Facebook shkruan se shtetet e Ballkanit Perëndimor nuk duhet të lihen anash, pasi Rusia është duke destabilizuar këtë rajon.

“Shtetet e Ballkanit Perëndimor nuk duhet të ndihen të lënë pas. Rusia është gjithashtu duke destabilizuar në këtë rajon. BE-ja më në fund duhet të mbajë premtimet e saj. Do të nisin bisedimet e anëtarësimit me Shqipërinë, Maqedoninë e Veriut, të jepet liberalizimi i vizave për Kosovën”, shkruan Roth.

Ndryshe, të premten në një vizitë në Kosovë ishte presidenti i Letonisë, Egils Levits.

Ai në një konferencë për media theksoi se shteti i tij mbështet liberalizimin e vizave për Kosovën dhe anëtarësimin në organizata ndërkombëtare.

“…Së paku është e domosdoshme që Kosova t’i bashkohet Partneritetit për Paqe. Mendoj se tani është koha e duhur por varet nga NATO… Është shumë me rëndësi të fuqizohet bashkëpunimi… Letonia e përkrahë këtë hap”, tha ai, raporton Telegrafi.

Levits shprehu mbështetje të plotë edhe për integrimin e Kosovës në organizata ndërkombëtare, si në Këshill të Evropës e në forume tjera. /Telegrafi/

Die Staaten des Westbalkans dürfen sich nicht abgehängt fühlen. Auch in dieser Region destabilisiert Russland. Die EU muss endlich ihre Zusagen einhalten. Beitrittsgespräche mit Albanien + Nordmazedonien sind aufzunehmen + die Visaliberalisierung für Kosovo zu gewähren. 4/6??

— Michael Roth MdB ???? (@MiRo_SPD) April 23, 2022