Kryeministri britanik beson se ekzistojnë gjasa reale, që lufta në Ukrainë të mund të zgjasë deri në fund të vitit 2023

Kryeministri britanik Boris Johnson gjatë vizitës në Indi, ka deklaruar para gazetarëve se ekzistojnë “gjasa reale” që lufta në Ukrainë të mund të zgjasë deri në fund të vitit të ardhshëm, por këmbënguli se Vladimir Putini nuk do t’ia arrijë ta thyejë moralin e ukrainasve, raporton BBC.

Ai këto komente i bërë kur pyet nga gazetarët që të deklarohet lidhur me komentet e zyrtarëve perëndimorë, që sugjerojnë se Putini akoma është në pozitë që të fitojë, pavarësisht strategjisë së gabuar – duke këmbëngulur se lufta mund të zhvillohet deri në fund të vitit 2023, transmeton Telegrafi.

Lexo po ashtu Johnson: Britania e Madhe po trajnon ushtarët ukrainas në Britani dhe Poloni  

“Putin ka ushtri të madhe. Ai është në një pozicion shumë të vështirë politik për shkak të gabimit katastrofik që e ka bërë. Opsioni i tij i vetëm tani është të vazhdojë të tentojë të fitojë – duke synuar që përmes artilerisë t’i afrohet qyteteve ukrainase”, shtoi kryeministri britanik.

Megjithatë ai theksoi se pavarësisht luftës së Putinit, Kremlni nuk do t’ia arrijë të thyej shpirtin luftarak të popullit ukrainas. /Telegrafi/