Pilotit rus në Formula 1 i rëndohen sanksionet, tani Italia i sekuestron pasuri të konsiderueshme

Italia ka sekuestruar prona me vlerë rreth 105 milionë euro në pronësi të pilotit rus të Formula 1, Nikita Dmitrievich Mazepin dhe babait të tij oligark, raporton “Reuters”, duke cituar dy burime policore.

Operacioni thuhet se kishte në shënjestër një vilë, e njohur si “Rocky Ram” në Sardenja veriore. Është pjesë e përpjekjeve më të gjera që synojnë penalizimin e rusëve të pasur të lidhur me Vladimir Putinin pas pushtimit të Ukrainës më 24 shkurt nga Moska.

“Reuters” raporton më tej se menaxheri i PR i shoferit nuk ka komentuar ende.

Lexo po ashtu Haas ndërpret kontratën me pilotin rus

Mazepin, i cili u shkarkua në mars nga ekipi F1 në pronësi të SHBA-së, Haas, është përfshirë në një listë sanksionesh të BE-së së bashku me babanë e tij, Dmitry, të cilin revista zyrtare e Bashkimit Evropian e përshkroi si një anëtar të rrethit më të ngushtë të Putinit.

Në javët e fundit, policia italiane ka sekuestruar vila dhe jahte me vlerë mbi 900 milionë euro nga rusët e pasur, të cilët u vendosën në një listë sanksionesh të Bashkimit Evropian pas konfliktit në Ukrainë.

Pasuria më e vlefshme e sekuestruar deri më tani është një superjaht në pronësi të miliarderit Andrey Igorevich Melnichenko, me vlerë rreth 530 milionë euro, i cili u sekuestrua në portin verior të Triestes. /Telegrafi/

Italy has seized properties worth about $114 m owned by Russian former Formula One driver Nikita Dmitrievich Mazepin and his oligarch father.

-Reuters#StandWithUkraine

— Alex Raufoglu (@ralakbar) April 11, 2022