Haas ka ndërprerë kontratën me pilotin rus Nikita Mazepin.

Për më tepër, skuadra nga Formula 1 i ka dhënë fund marrëveshjes edhe me prodhuesin rus të potasit Uralkali, në pronësi të babait të Mazepin, raporton Skynews.

“Ashtu si me pjesën tjetër të komunitetit të Formula 1, ekipi është i tronditur dhe i pikëlluar nga pushtimi i Ukrainës dhe dëshiron për një fund të shpejtë dhe paqësor të konfliktit”, thuhet në njoftimin e tyre.

Në takimin e parë ballë për ballë, Lewis Hamilton i kishte thënë Vladimir Putinit se nuk ishte ai që e kishte lagur me shampanjë Në takimin e parë ballë për ballë, Lewis Hamilton i kishte thënë Vladimir Putinit se nuk ishte ai që e kishte lagur me shampanjë

Ditë më parë, drejtuesit e Formula 1 kanë vendosur unanimisht që ta anulojnë garën për Çmimin e Madh të Rusisë.

Rusia i ka shpallur luftë Ukrainës dhe që më shumë se dy javë, situata veçse është përshkallëzuar ku nuk mungojnë edhe viktimat, pasi forcat ruse po tentojnë pushtimin e shtetit fqinj.

Kjo situatë e krijuar nga shteti rus ka bërë që shumë shtete tjera botërore, por edhe organizata sportive të vendosin sanksione kundër Rusisë. /Telegrafi/