Kapet kokainë në vlerë të 3.2 milionë dollarëve në kufirin e Teksasit

Një kamion rimorkio që vinte në SHBA nga Meksika u kap të premten duke mbajtur 427 kilogramë kokainë, njoftoi të dielën Dogana dhe Mbrojtja Kufitare e SHBA-së(CBP).

Një oficer i vendosur në Urën e Tregtisë Botërore në Laredo, Teksas, hasi në një kamion që transportonte punime artizanale “papier-mâché” dhe e dërgoi atë për një ekzaminim dytësor, sipas një njoftimi për lajmet e CBP.

Zyrtarët përdorën pajisjet e inspektimit dhe gjetën 101 pako që përmbanin 427 kilogramë kokainë të me një vlerë prej 3.2 milionë dollarësh, raporton cnn.

“Oficerët tanë të vijës së parë vazhdojnë të ruajnë vigjilencë të rreptë në mjedisin e kamionëve komercialë”, tha Albert Flores, Drejtor Porti në Portin e hyrjes Laredo. “Përdorimi efektiv i tyre i trajnimit, përvojës së inspektimeve dhe teknologjisë parandaloi me sukses një ngarkesë të konsiderueshme kokaine që të arrinte ndonjëherë në rrugët e SHBA-së”.

Në janar, CPB paralajmëroi për një rritje të konsiderueshme të kokainës dhe fentanilit që po kapeshin në portet në të gjithë Teksasin jugor.

Gjatë vitit fiskal 2021, CPB tha se sekuestroi 87,652 kilogramë lëndë narkotike në portet që përfshijnë zyrën e terrenit Laredo me një vlerë rruge prej rreth 786 milionë dollarësh. /Telegrafi/