Gratë e famshme ruse po presin çantat e tyre nga Chanel në shenjë proteste pasi marka luksoze i ndaloi të blinin produktet e saj

Gratë ruse po filmojnë veten duke prerë çantat e tyre të shtrenjta Chanel në shenjë proteste ndaj ndalimit të blerjeve të reja nga marka e tyre e preferuar.

Modelet dhe influencueset e Moskës e kanë akuzuar kompaninë për ‘rusofobi’ pasi Chanel u tërhoq nga vendi.

Chanel u ka kërkuar gjithashtu rusëve në blerjet jashtë vendit që të nënshkruajnë premtime duke thënë se nuk do të veshin ose shfaqin markën në Rusi.

Lexo po ashtu Të gjitha lajmet nga Kriza në Ukrainë

Tani ata po kundërpërgjigjen me furi atë që ata e shohin si ‘rusofobinë’ duke i ndaluar të blejnë Chanel.

Prezantuesja televizive, agjentja e PR dhe aktorja Marina Ermoshkina, shprehu indinjatën për 301 mijë ndjekësit e saj që në tregjet e huaja të Chanel grave ruse u kërkohet të nënshkruajnë një premtim se nuk do ta veshin ose shfaqin markën në Rusi.

View this post on Instagram

A post shared by Marina Ermoshkina (@amazing_marina)

“Asnjë artikull apo markë e vetme nuk ia vlen sa dashuria ime për atdheun tim dhe respektin tim për veten. Unë jam kundër ‘rusofobisë’ dhe jam kundër markave që mbështesin ‘rusofobinë’. Nëse të kesh Chanel do të thotë të shesësh atdheun tim, atëherë unë nuk kam nevojë për Chanel”, tha ajo, duke prerë çantën e saj aksesore me gërshërë industriale.

Duke kërkuar që gratë e tjera ta ndjekin, ajo postoi: “Për ne gratë ruse, të kesh Chanel nuk është e rëndësishme. Ishim ne që ishim fytyra e kësaj marke. Që nga fëmijëria kemi ëndërruar ta blejmë këtë çantë. Chanel është thjesht një aksesor që në një moment vendosi të poshtërojë bashkatdhetarët e mi”.

View this post on Instagram

A post shared by Екатерина Гусева (@djkatyaguseva)

DJ Katya Guseva, me mbi 587 mijë ndjekës, tha: “Po i them ‘Jo’ Chanel. Po më detyrojnë të nënshkruaj një dokument poshtërues, duke më detyruar të refuzoj atdheun tim në favor të markës së tyre. Unë jam kundër ‘rusofobisë’ dhe kundër ndarjes sipas kombësisë. Për t’ju treguar se jam serioze, thjesht do ta pres këtë çantë. Nuk kam më nevojë për të. Mirupafshim, Chanel. Ne gratë ruse jemi mahnitëse, pavarësisht nëse kemi Chanel – ne e dimë atë, Chanel e di atë, e gjithë bota e di atë”.

Modelja, biznesmenja dhe influencuesja me bazë në Monako, Victoria Bonya, me nëntë milionë ndjekës, tha në anglisht: “Më duhet të them nëse Chanel nuk respekton klientët e saj, pse ne duhet ta respektojmë Chanel? Mirupafshim”.

View this post on Instagram

A post shared by VICTORIA BONYA (@victoriabonya)

Ato u mbështetën nga blogerja e udhëtimit – emigrantja ruse me mbi 239 ndjekës, Sharli Prokopif, e cila tha: “Unë jam ruse, jetoj në Evropë – dhe refuzoj të vesh Chanel”.

Komentet shprehnin zemërim kundër grave dhe thirrjes #ByeByeChanel. Dikush pyeti: “Pse nuk shqetësohen për vdekjet në Ukrainë që ka shkaktuar Putini?”. Një tjetër tha: “Nëse do të isha në krye të Chanel, do të kisha festuar në heshtje largimin e klientëve të tillë”. /Telegrafi/