Mbështetja e Bashkimit Evropian ndaj Kosovës nuk do të ndryshojë, pavarësisht refuzimit të mbajtjes së zgjedhjeve serbe në Kosovë më 3 prill. Perspektiva euroatlantike e Kosovës s’do të cenohet, megjithëse shtetet e QUINT-it vendimin e Kosovës e konsideruan në kundërshtim me të ardhmen e saj evropiane.
Zëdhënësja e Komisionit Evropian, Ana Pisonero në një përgjigje me shkrim për KosovaPress, shprehu keqardhje se nuk është gjetur një konsensus për mbajtjen e zgjedhjeve të Serbisë në Kosovë.
Por thekson se Kosova ka perspektivë të qartë evropiane dhe se BE-ja do të mbështesë Kosovën drejt afrimit në BE, mirëpo rruga evropiane e Kosovës, sipas saj varet edhe nga normalizimi i marrëdhënieve me Serbinë.
“Kosova ka një perspektivë të qartë evropiane. BE-ja vazhdon të mbështesë Kosovën në afrimin drejt BE-së, duke filluar përmes zbatimit të Marrëveshjes së Stabilizim Asociimit BE-Kosovë që ka hyrë në fuqi në vitin 2016. Rruga evropiane e Kosovës varet edhe nga normalizimi i marrëdhënieve me Serbinë. Neve na vjen keq që nuk është gjetur një konsensus ndërmjet palëve pas vendimit të Kosovës për të refuzuar një propozim konstruktiv të paraqitur nga vendet e QUINT-it. Ne e konsiderojmë këtë vendim në kundërshtim me angazhimet e Kosovës për të ardhmen e saj evropiane dhe parimin e mbrojtjes së të drejtave demokratike të të gjithë qytetarëve të saj, duke përfshirë edhe popullatën joshumicë”, thotë ajo për KosovaPress.
Vendimi për të mos lejuar mbajtjen e zgjedhjeve serbe brenda territorit të Republikës së Kosovës, sipas kushteve të shtetit fqinj, nuk do të ndikojë as në raportet me Shtetet e Bashkuara të Amerikës.
Zëdhënësi i Qeverisë së Kosovës, Përparim Kryeziu, thotë se marrëdhëniet mes dy vendeve janë aq të posaçme e të thella sa tejkalojnë një qëndrim apo tjetër të qeverisë.
“Qeveria e Republikës së Kosovës vazhdon të kultivojë marrëdhëniet historikisht dhe tradicionalisht të mira dhe miqësore me Shtetet e Bashkuara të Amerikës. Ne vazhdojmë bashkëpunimin konstruktiv dhe jemi në komunikim të rregullt dhe të vazhdueshëm me administratën e Presidentit Biden dhe përfaqësuesit e shtetit amerikan në Kosovë. SHBA-ja është aleati ynë strategjik dhe historik ndaj të cilit kemi dëshmuar partneritet të besueshëm dhe të qëndrueshëm, së fundmi në rastin e strehimit të më shumë se 1400 refugjatëve afganë. Marrëdhëniet mes dy vendeve tona janë aq të posaçme e të thella sa e tejkalojnë një qëndrim apo tjetër të qeverisë”, deklaron Kryeziu.
Ndryshim të pozicionit të Kosovës në arenën ndërkombëtare nuk sheh as njohësi i marrëdhënieve ndërkombëtare, Artan Muhaxhiri.
Megjithëse thotë se reagimi i reagimi i QUINT-it ka qenë i ashpër.
“Konteksti gjeostrategjik dhe gjeopolitik në Ballkan është jashtëzakonisht delikat dhe duhet inercion për t’u ndryshuar, duhet investime nga të gjitha palët. Prandaj nuk mund të ndryshohet shpejtë, por nuk është mirë që Kosova të identifikohet dhe etiketohet edhe në raportet ndërkombëtare si një shtet i cili për shkak të historisë së saj specifike, të mos e jep maksimumin për respektin e të drejtave të pakicave dhe mos të ketë vullnet dhe gatishmëri të kërkojë alternativa të ndryshme për t’u dal në ndihmë edhe pakicave që jetojnë në Kosovë… Reagimi i QUINT-it ka qenë i ashpër dhe i paprecedentë. Vet fjala zhgënjim është një fjalë shumë e madhe kur është parasysh se komunikatat e tilla zakonisht tentohet të ruajnë një lloj bilanci dhe retorikë diplomatike”, deklaron ai për KP.
Në të kaluarën zgjedhjet serbe janë mbajtur në territorin e Kosovës, ku OSBE i ka grumbulluar votat dhe më pas janë numëruar në Rashkë dhe Vranjë, qytete kufitare të Serbisë me Kosovën. Gjatë janarit të këtij viti, Kosova refuzoi edhe mbajtjen e një referendumi të Serbisë për ndryshime kushtetuese.
Promo
Reklamo këtuLufta Prigozhin - Putin
Më shumëÇfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
AGK-ja dënon intimidimin publik të deputetit Dimal Basha ndaj gazetares së RTK-së
Drejtori i RTK-së: Gjuha e përdorur nga deputeti Dimal Basha, e papranueshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City