Mediat amerikane: Rusia konfirmon se i janë shkatërruar së paku 300 tanke në Ukrainë

Yaroslav Trofimov, korrespondent i gazetës amerikane “The Wall Street Journal” ka shpërndarë një informacion zyrtar të Oryx, organizatë që regjistron shkatërrimin e pajisjeve ushtarake në Ukrainë.

Oryx njofton se ushtria ruse tani ka konfirmuar edhe vizualisht se ka humbur të paktën 300 tanke që kur filloi agresionin në Ukrainë, një muaj më parë.

Lexo po ashtu Rusia jep informacione mbi humbjet e saj ushtarake në Ukrainë – vetëm për herë të dytë që nga fillimi i agresionit

Siç vë në dukje Trofimov, ky është i gjithë rezervuari i ushtrisë franceze dhe gjysma e stokut të ushtrisë britanike.

“Për ta vënë në perspektivë, Rusia konfirmoi vizualisht se brenda një muaji ka humbur në Ukrainë tanke sa ka në tërësi ushtria franceze dhe gjysma e stokut të ushtrisë britanike”, shkruan gazetari.

Ndryshe, Rusia gjatë javës së kaluar ka zbardhur informacione mbi humbjet e saj ushtarake në Ukrainë – vetëm për herë të dytë që nga fillimi i agresionit. /Telegrafi/

To put it in perspective, Russia is *visually confirmed* to have lost in Ukraine in one month the entire tank stock of the French Army and half of the stock of the British Army. https://t.co/Il6sIB4PD8

— Yaroslav Trofimov (@yarotrof) March 27, 2022