Ukrainasi u kap derisa po tentonte të kalonte kufirin duke u fshehur në një kuti të rrobave

Një burrë ukrainas u kap duke u përpjekur të largohej nga vendi pasi u fsheh në një grumbull rrobash të fëmijëve derisa presidenti vendas, Volodymyr Zelensky njoftoi se të gjithë burrat duhet të qëndrojnë dhe të luftojnë për vendin e tyre kundër Rusisë.

Fotografitë tregojnë një kuti të rrobave të fëmijëve së bashku me burrin brenda në kufirin Ukrainë-Moldavi, ku ai po përpiqej të hynte në këtë shtet, transmeton Telegrafi.

Por rojet në postbllokun e Rososhany ndaluan Renaultin, që vozitej nga një grua me dy fëmijët e saj.

Pasi iniciuan një kontroll të plotë të automjetit, rojet gjetën brenda një pasagjer të pazakontë.

Rojet kufitare vendosën një bravë në rrota, duke mos lejuar që gruaja të largohej.

Burri dukej se po ikte nga komanda e autoriteteve ukrainase ku të gjithë burrat duhet të qëndronin dhe të luftonin kundër Rusisë.

Zelensky vendosi ligjin ushtarak në Ukrainë më 24 shkurt, duke vendosur një periudhë ku shtetasit meshkuj të Ukrainës nga mosha 18 deri në 60 vjeç nuk lejohen të largohen nga vendi. /Telegrafi/