Një familje ka ndjekur një rregull të çuditshëm për 75 vjet, i cili i ndihmon ta mbajnë kuzhinën e pastër

Ndonëse kuzhina është zemra e shtëpisë, ajo është gjithashtu vendi që ndotet më shpejt.

Ka shumë këshilla për pastrimin e kuzhinës pasi rrëmuja është tashmë aty, por është më mirë të përpiqeni ta parandaloni rrëmujën para se të filloni gatimin.

Një grua e quajtur Shiraf Combiths tha se familja e saj ka pasur një sekret brezash për më shumë se 75 vjet që ka ndihmuar në mbajtjen e kuzhinave të tyre të pastra.

Në artikullin e saj për ApartmentTherapy.com, ajo zbuloi rregullin: “Asnjëherë mos i lini sirtarët hapur gjatë gatimit, ngrënies ose pastrimit”. Është një rregull mjaft i dobishëm kur mendoni për telashet e shtuara që do të shkaktojnë sirtarët e hapur kur përzihen me pastrimin ose gatimin.

Lexo po ashtu Tri mënyra se si të përdorni limonët e mbetur për të pastruar kuzhinën

“Merr parasysh këtë skenar: vëllai yt po nxjerr lugë për ëmbëlsirë dhe ti po fshin banakun, i mbuluar me thërrime brumë thartë. Ndërsa lecka lëviz drejt sirtarit të hapur, thërrimet ngjitëse dhe pjesa e brendshme e sirtarit tuaj janë në një rrugë përplasjeje”, shkroi ajo.

Ose imagjinoni ndërsa po i derdhni vetes një tas me tërshërë të thatë për të kaluar në mikrovalë, ju derdhni pak tërshërë mbi tas dhe ato bien në sirtarin poshtë. Sirtarë nuk janë aq të lehtë apo të këndshëm për t’u pastruar. Ju duhet të zbrazni të gjithë përmbajtjen dhe të shtyni dorën në mënyrë të sikletshme në hapësirën e vogël për të arritur çdo cep.

Lexo po ashtu Katër gjërat që nuk duhet t'i pastroni me uthull të bardhë

“Pra, në këtë rast, si me shumë njerëz, rregulli më i mirë praktik është parandalimi rigoroz,” shpjegoi gruaja. /Telegrafi/