Ambasada amerikane u bën thirrje amerikanëve që të largohen menjëherë nga Ukraina

Ambasada amerikane në Kiev u ka bërë thirrje edhe një herë qytetarëve amerikanë që të largohen menjëherë nga Ukraina, pasi sulmet e vazhdueshme ruse e kanë bërë situatën e sigurisë “të dhunshme dhe të paparashikueshme”.

Ambasada paralajmëroi qytetarët e mbetur amerikanë që të “mendojnë me kujdes” rrugët dhe rreziqet e udhëtimit, pasi rrugët e Ukrainës mund të jenë të mbushura me njerëz, të ekspozuara ndaj operacioneve luftarake ose të kenë përkeqësuar infrastrukturën për shkak të dëmtimit të urave dhe rrugëve, përcjell Telegrafi.

Departamenti Amerikan i Shtetit zbuloi në janar se nuk ka një numërim të saktë të numrit të përgjithshëm të amerikanëve ende në Ukrainë, përveç personelit të mbetur të qeverisë amerikane. /Telegrafi/

We urge U.S. citizens to depart Ukraine now via ground transport if safe. Border crossings are open. Consider routes & risks; roads may be crowded, exposed to combat or have damaged infrastructure. Sheltering in place may be the best option for some. https://t.co/4KXSc4dZX1

— U.S. Embassy Kyiv (@USEmbassyKyiv) March 14, 2022