LAJMI I FUNDIT:

Nikollovski: Ndalesa e Serbisë për eksportin e grurit nuk vlen për RMV-në

Nikollovski: Ndalesa e Serbisë për eksportin e grurit nuk vlen për RMV-në

“Ndalimi i eksportit të grurit dhe misrit nga Serbia, i cili hyn në fuqi nesër, nuk do të zbatohet për Maqedoninë e Veriut. Mullixhinjtë tanë do të mund t’i sigurojnë sasitë e kontraktuara”.

Këtë e tha sot ministri i Bujqësisë, Pylltarisë dhe Ekonomisë së Ujit, Ljupço Nikollovski. Ai në një konferencë për media në Qeveri, pasi kryeministri Dimitar Kovaçevski i shpalli masat e reja për mbrojtjen e standardit të qytetarëve dhe likuiditetit të kompanive, tha se po bëhen përpjekje intensive për të gjetur plasmanin e pemëve dhe perimeve, veçanërisht pjeshkës, mollës, duhanit dhe rrushit.

Nikollovski tha se Qeveria në periudhën e ardhshme do të shqyrtojë edhe masa të tjera intervenuese në bujqësi, të cilat, siç tha, do të miratohen me kohë, përcjell Telegrafi Maqedoni.


“Me iniciativën time u zhvillua sot një takim online me ministrat e bujqësisë nga rajoni. Ministri serb nuk ishte i pranishëm, por ishin përfaqësues të Qeverisë dhe kabinetit të tij. Serbia do të marrë vendim të duhur nesër, sot ai vendim do të na dërgohet të gjithë neve, ministrave të rajonit. U konfirmua se vendimi nuk do të zbatohet për sasitë e dakorduara të grurit që nevojiten për industrinë tonë të grurit, gjegjësisht se vendimi nuk do të zbatohet për rajonin”.

“U dërgua sërish një mesazh qetësie, se kemi rezerva të mjaftueshme, 45 mijë ton grurë, mbi 10 mijë ton misër, rreth 9 mijë ton elb. Kemi marrë garanci nga Serbia se do të kujdesen për furnizimin e produkteve të nevojshme, grurit dhe drithërave të tjera për të gjithë rajonin, vendimi nuk do të vlejë për vendet e rajonit”, tha Nikollovski./Telegrafi/

Në trend Lajme

Më shumë
Brohoritje 'Zdravo', 'Albin hajni' dhe mjete piroteknike gjatë tubimit të Kurtit në Skenderaj

Brohoritje 'Zdravo', 'Albin hajni' dhe mjete piroteknike gjatë tubimit të Kurtit në Skenderaj

Lajme
E quajti 'gjeneral të vetëshpallur', Haradinaj i përgjigjet Donika Gërvallës

E quajti 'gjeneral të vetëshpallur', Haradinaj i përgjigjet Donika Gërvallës

Politikë
U raportua se do të sillen 100 mijë palestinezë në Shqipëri, reagon Rama

U raportua se do të sillen 100 mijë palestinezë në Shqipëri, reagon Rama

Lajme
Nga pasaporta tek simbolet, si do të funksionojë 'shteti Bektashi' - Samarxhi zbulon detajet

Nga pasaporta tek simbolet, si do të funksionojë 'shteti Bektashi' - Samarxhi zbulon detajet

Lajme
Tomë Gashi: Vetëvendosje dëshiron me formu një SPAK në Kosovë

Tomë Gashi: Vetëvendosje dëshiron me formu një SPAK në Kosovë

Drejtësi
Avokati shpalos detajet nga seanca e sotme kur familja e Liridona Ademajt u përballen me vrasësit

Avokati shpalos detajet nga seanca e sotme kur familja e Liridona Ademajt u përballen me vrasësit

Drejtësi
Kalo në kategori