SHBA u bën thirrje qytetarëve të saj në Ukrainë që të largohen me “opsione private”

Ambasada e SHBA në Kiev ka kërkuar nga qytetarët amerikanë në Ukrainë që të largohen me “opsione private”, nëse konsiderohet e sigurt për ta bërë këtë.

Ajo e ka quajtur situatën “të paparashikueshme” dhe kërkoi “konsiderim të kujdesshëm” në lidhje me rrugët e ndjekura pasi shumë prej tyre ishin të mbipopulluara, të ekspozuara ndaj operacioneve luftarake dhe të tjerave që u shkatërruan infrastrukturë si ura dhe rrugë, përcjell Telegrafi.

Ajo gjithashtu paralajmëroi se shumica e kalimeve kufitare në Poloni – e cila shtrihet drejtpërdrejt në lindje të Ukrainës – dhe Moldavi – po përjetonin kohë pritjeje jashtëzakonisht të gjata, ndonjëherë deri në 30 orë.

We urge U.S citizens to depart now by private options, if safe. Consider routes & risk. Many Polish land border crossings & main Moldavian crossings have long waits. We recommend Hungary, Romania & Slovakia border crossings. Waits may be hours. https://t.co/wIdqcjM461

— U.S. Embassy Kyiv (@USEmbassyKyiv) February 28, 2022

Komisioneri i Lartë i Kombeve të Bashkuara për Refugjatët (UNHCR) thotë se rreth 368,000 njerëz kanë ikur nga Ukraina në vendet fqinje për t’i shpëtuar pushtimit rus. Përafërsisht 150,000 prej tyre kanë shkuar në Poloni.

Në muajt e fundit, Departamenti Amerikan i Shtetit ka vlerësuar se rreth 6,600 qytetarë amerikanë jetojnë në Ukrainë, megjithëse nuk është e qartë se sa nga ky numër kanë mbetur ende në këtë vend. /Telegrafi/