Prokurori i ICC-së mund të hetojë çdo krim lufte ose akt gjenocidi në Ukrainë

Gjykata Ndërkombëtare Penale i kujtoi botës se po vëzhgon situatën në Ukrainë dhe mund të hetojë çdo “akt gjenocidi” dhe “krime lufte” që shihet atje.

Kështu ka pohuar prokurori britanik i Gjykatës, Karim AA Tha Khan, i cili më tutje tha se do të hetojë çdo rast që nga viti 2014, raporton cnn.

“I kujtoj të gjitha palët që kryejnë armiqësi në territorin e Ukrainës se … zyra ime mund të ushtrojë juridiksionin e saj dhe të hetojë çdo akt gjenocidi, krim kundër njerëzimit ose krim lufte të kryer brenda territorit të Ukrainës që nga 20 shkurt 2014 e tutje”, tha Karim Khan, raporton cnn.

“Zyra ime do të vazhdojë të monitorojë nga afër situatën në Ukrainë”, tha prokurori dhe shtoi, “Në ushtrimin e pavarur dhe të paanshëm të mandatit të saj, Zyra mbetet plotësisht e përkushtuar për parandalimin e krimeve mizore dhe për të siguruar që kushdo përgjegjës për krime të tilla të mbahet përgjegjës”.

Ndryshe, presidenti ukrainas, Volodymyr Zelensky ka pohuar gjatë ditës së sotme se së paku 137 ushtarë dhe civilë kanë vdekur. /Telegrafi/