Objekti i Qeverisë ndriçohet me flamurin e Ukrainës në shenjë solidariteti

Kryeministri i Kosovës, Albin Kurti ka thënë se sonte objekti i Qeverisë së Kosovës është ndriçuar me flamurin e Ukrainës në shenjë solidariteti, shtet ky territori i të cilës është pushtuar pjesërisht nga Rusia.

Kurti, përmes një njoftimi në Twitter, ka shkuar se pavarësisht sesa të errëta janë kohët apo sa e vështirë të jetë lufta, historia favorizon të drejtët.

“Sado të errëta të jenë kohët e sado e vështirë të jetë lufta, historia favorizon të drejtët. Në këtë kohë kritike për popullin ukrainas, ne ndriçuam ndërtesën e qeverisë për të treguar solidaritetin e popullit të Kosovës me popullin e Ukrainës”, ka shkruar Kurti, transmeton Telegrafi.

No matter how dark the times or how hard the struggle, history favors the just.
In this critical time for the Ukranian people we lit up the building of the government to show the solidarity of the people of 🇽🇰 with the people of 🇺🇦. pic.twitter.com/mFjOctbm6K

— Albin Kurti (@albinkurti) February 22, 2022

Të hënën Rusia u njohu pavarësinë Luhanskut dhe Donetskut, që janë pjesë e Ukrainës dhe kontrollohen vetëm pjesërisht nga forcat pro-ruse.

BE dhe SHBA-ja kanë paralajmëruar sanksione ndaj këtyre shkeljeve të së drejtës ndërkombëtare. /Telegrafi/