Thellohet skandali Overmars: U dërgonte në foto organet gjenitale kolegeve

Futbolli holandez është tronditur nga skandali ku është përfshirë një figurë e rëndësishme si Marc Overmars, i akuzuar se u ka dërguar mesazhe të papërshtatshme me përmbajtje seksuale disa kolegeve të tij.

Ish-futbollisti i Ajaxit, Arsenalit dhe Barcelonës është shkarkuar nga detyra e drejtorit sportiv të klubit holandez. Tashmë mediat në Holandë kanë nisur të zbardhin detaje shumë të zymta, që ngrenë shumë pikëpyetje rreth figurës së ish-futbollistit të kombëtares së “Tulipanëve”.

Sipas të përditshmes Het Parool, Overmars i ka shoqëruar mesazhet e tij me imazhe të organeve gjenitale. Një tjetër gazetë prestigjioze në Holandë, NRC, njoftoi do të publikojë më shumë detaje rreth rastit.

Lexo po ashtu Skandal te Ajaxi, legjenda e klubit largohet pasi u raportua për ngacmime seksuale ndaj kolegeve

Hetimi, i publikuar edhe nga “Het Parool”, nisi si pasojë e skandalit të dalë në “The Voice of Holland”, një program televiziv, transmetimi i të cilit u pezullua për shkak të ankesave të disa prej anëtarëve të tij.

Skandali me ish-futbollistin e Holandës ka nxitur reagimin e federatës holandeze, e cila kërkon bashkëpunimin e të gjitha klubeve në përpjekje për të zhdukur sa më shpejt këtë lloj sjelljeje.

Director of Football Affairs Marc Overmars will leave Ajax with immediate effect. He made this decision after discussions in recent days with the Supervisory Board and CEO Edwin van der Sar and communicated his intentions to them.

— AFC Ajax (@AFCAjax) February 6, 2022

Dy figura të tjera janë vënë në pikëpyetje pas skandalit: i pari është Erik Ten Hag i cili, sipas De Telegraaf, mund të largohet nga klubi për shkak të miqësisë së tij me Overmars.

Miti tjetër i klubit, që është gjithashtu në qendër të vëmendjes, është Edwin Van der Saar. Vetë De Telegraaf vë në pikëpyetje figurën e ish-portierit holandez dhe e pyet nëse kishte informacion për sjelljen e kolegut dhe mikut të tij. /Telegrafi/