Shkaku i Rusisë, Finlanda dhe Suedia mund t’i bashkohen NATO-s

Dislokimin e armëve dhe ushtarëve në kufirin ruso-ukrainas ka ndezur debate në Finlandë dhe Suedi nëse do të anëtarësohen në NATO, në mënyrë që të mbrohen nga çdo agresioni i mundshëm i Moskës.

Aeroplanët luftarakë qarkulluan qiejt mbi Finlandë gjatë fundjavës dhe Suedia iu përgjigj tensioneve në rritje duke vendosur trupa në kufirin me shtetet Balltike.

Presidenti Vladimir Putin i ka kërkuar NATO-s garanci sigurie se nuk do të zgjerohet drejt lindjes dhe nuk do të përfshijë kurrë Ukrainën në aleancën e saj, raporton france24.

“Vendimi për anëtarësimin e Finlandës merret nga ai vend dhe 30 anëtarë të NATO-s, dhe e njëjta gjë vlen edhe për Suedinë”, tha të hënën Sekretari i Përgjithshëm i NATO-s, Jens Stoltenberg, pas takimit me ministrat e jashtëm.

As Finlanda dhe as Suedia nuk kanë njoftuar zyrtarisht se duan të bëhen anëtarë të plotë dhe të reduktojnë bashkëpunimin me Aleancën në shkëmbim informacionesh dhe stërvitjesh të përbashkëta ushtarake.

Megjithatë, Charly Salonius-Pasternak i Institutit Finlandez të Çështjeve Ndërkombëtare thotë se Finlanda dhe Suedia “me vetëdije kanë ndërmarrë një hap për ta detyruar NATO-n të përgjigjet në mënyrë eksplicite se dera e saj është ende e hapur për ta”.

Elina Valtonen, nënkryetare e Partisë së Koalicionit Kombëtar të opozitës në Finlandë, thotë se bashkimi është një “hap i natyrshëm”.

“Bashkëpunim më i ngushtë po krijohet me marrëveshje jo vetëm me NATO-n, por edhe me Mbretërinë e Bashkuar dhe Shtetet e Bashkuara”, tha Valtonen.

Ai shpjegon se pas Luftës së Ftohtë, Finlanda zgjodhi neutralitetin për të qetësuar Kremlinin, por e braktisi këtë politikë shumë kohë më parë.

Suedia, e cila nuk ka qenë në luftë për dy shekuj, rifuti shërbimin e detyrueshëm ushtarak në vitin 2017. Në janar, Suedia vendosi patrulla të armatosura në ishullin Gotland ndërsa tre anije ruse lundruan në Detin Baltik.

Finlanda ka thënë se ka rritur “gatishmërinë” duke kryer stërvitje ushtarake në të gjithë vendin. /Telegrafi/