I ftohti ta shkatërron fytyrën? Mos lejoni që kjo t’ju ndodhë: Është një zgjidhje e thjeshtë

Ekspozimi i tepërt ndaj të ftohtit pa mbrojtje adekuate mund të jetë i dëmshëm për lëkurën e pjesëve të ekspozuara të trupit

Aq më parë kur është fjala për lëkurën e fytyrës që, nëse nuk i kushtohet kujdes, do të dehidratohet, thahet dhe plasaritet pas ekspozimit ndaj temperaturave të ulëta, transmeton Telegrafi.

Për të parandaluar që kjo të ndodhë, ju nevojiten vetëm disa përbërës për përgatitjen e një preparati, i cili në lëkurën e ngrirë – ka një fuqi thuajse çudibërëse.

Fjala është për një përzierje të bananeve, bajameve dhe mjaltit, kombinimi i të cilave ka një efekt shpëtues në lëkurën e fytyrës dhe përgatitja e të cilave është shumë e thjeshtë.

Kjo është receta natyrale:

Grini dy banane, shtoni dy lugë mjaltë dhe një lugë bajame të bluara. Kur gjithçka të jetë bashkuar, aplikojeni në fytyrë. Mbajeni për gjysmë ore dhe më pas shpëlajeni.

Përkatësisht, bananet përmbajnë agjentë hidratues që e bëjnë lëkurën fleksibël, elastike dhe të butë, ato janë perfekt për lëkurë të kombinuar.

Nga ana tjetër, mjalti është i shkëlqyeshëm për lëkurën e prirë ndaj akneve, sepse redukton skuqjen dhe i thanë ato falë përqendrimit të sheqerit.

Nëse përzierjes i shtoni bajame të bluara, do të bëni një piling të shkëlqyeshëm, i cili do të largojë qelizat e vdekura. /Telegrafi/