Meta në takim me Pendarovskin: Të zhbllokohet rruga drejt BE-së për RMV-në dhe Shqipërinë

Presidenti i Maqedonisë së Veriut, Stevo Pendarovskit sot ka mirëpritur në takim, homologun e tij nga Shqipëria, Ilir Meta.

Në takim u shkëmbyen mendime për marrëdhëniet e përgjithshme dypalëshe mes dy shteteve, me çka është shprehur kënaqësi nga zhvillimi i tyre pozitiv.

Në takim Pendarovski dhe Meta, konstatuan se Republika e Maqedonisë së Veriut dhe Republika e Shqipërisë, përmes përkushtimit të marrëdhënieve të mira ndërfqinjësore, japin kontribut të fuqishëm për prosperitet, stabilitet dhe siguri në rajon, si dhe për perspektivën e tyre evropiane. Dy shtetet, si aleatë të NATO-s, japin kontribut edhe në mbrojtje dhe në vlerat e bashkimit euroatlantik.

Në kontekst të aspiratave për anëtarësim në Bashkimin Evropian, dy presidentët e konstatuan nevojën për zhbllokimin e procesit dhe fillimin e sa më të shpejtë të negociatave për dy shtetet për anëtarësim në Bashkimin Evropian që sipas tyre, do të ketë kontribut pozitiv për përparimin e përgjithshëm dhe stabilitetin në rajon.

Presidenti Pendarovski dërgoi urata për përzgjedhjen e Shqipërisë për anëtare të Këshillit për Siguri të Kombeve të Bashkuara në periudhën 2022-2023. Ndërkohë presidenti i Shqipërisë Ilir Meta u shpreh se nuk dëshirojnë ndarje nga Maqedonia në rrugën drejt BE-së ndërsa bashkërisht punojnë fuqishëm për të filluar bisedimet sa më shpejtë.

“Nuk duam dhe nuk punojmë për ndarjen e Maqedonisë së Veriut nga Shqipëria në rrugën drejtë BE-së. Punojmë dhe fuqishëm bëjmë përpjekje që të dyja vendet sa më shpejtë t’i mbajnë konferencat e para ndërqeveritare dhe kjo është një nga shkaqet e vizitës sime”, deklaroi presidenti i Republikës së Shqipërisë, Ilir Meta, i cili është për vizitë në Republikën e Maqedonisë së Veriut./Telegrafi/