Arsenali vendosi rekord në Ligën Premier për kartonët e kuq

Arsenali ka vendosur një rekord të ri në Ligën Premier për kartonët e kuq pasi pa mbrojtësin Gabriel Magalhaes të ndëshkoje në humbjen 2-1 ndaj Manchester Cityt.

Topçinjtë mirëpritën liderët e ligës, Cityn, në Emirates Stadium në ditën e parë Vitit të Ri 2022, duke kërkuar të hakmerren për humbjen e tyre 5-0 në Mançester në muajin gusht.

Skuadra e Mikel Artetës kaloi në epërsi 1-0 në pjesën e parë falë një goli të bukur nga Bukayo Saka, por nuk arritën ta ruajnë epërsinë në pjesën e dytë.

Riyad Mahrez barazoi rezultatin nga pika e bardhë e penalltisë përpara se të gjenin golin e fitores në minutat shtesë me anë të mesfushorit Rodri.

Megjithatë, fitorja e Cityt erdhi pasi nikoqirët të mbeten me dhjetë lojtarë për më shumë së gjysmë ore loje, duke bërë histori në Ligën Premier.

👀 Një skuadër 𝙥𝙧𝙤𝙗𝙡𝙚𝙢𝙖𝙩𝙞𝙠𝙚 ❓#TelegrafiSport pic.twitter.com/SaK9Htzooh

— Telegrafi Sport (@TelegrafiSport) January 1, 2022

Topçinjtë tani janë bërë skuadra e parë që arrin shifrën e 100 kartonëve të kuq që nga formimi i Ligës Premier në vitin 1992.

Ndërkohë, Gabriel është lojtari i 11-të që është përjashtuar që nga emërimi i Mikel Artetas, që është më shumë se çdo klub tjetër që nga emërimi i spanjollit në dhjetor të vitit 2019. /Telegrafi/