Zyrtare: Barcelona kompleton transferimin e Ferran Torres

Barcelona ka konfirmuar zyrtarisht se ka transferuar Ferran Torresin nga Manchester City.

Anësori spanjoll ka nënshkruar kontratë me skuadrën katalunase deri më 30 qershor të vitit 2027.

“FC Barcelona ka arritur marrëveshje me Manchester Cityn për transferimin e Ferran Torres”.

🤙 @ferrantorres20 calling … #BenvingutFerran pic.twitter.com/78DP3qjB8i

— FC Barcelona (@FCBarcelona) December 28, 2021

“Lojtari ka nënshkruar kontratë për pesë sezonet e ardhshme, deri më 30 qershor 2027”, thuhet në njoftim.

“Të hënën, më 3 janar, nga ora 11:00 CET, prezantimi i lojtarit si anëtar i ri i skuadrës së parë të FC Barcelona do të bëhet në një ngjarje që i paraprin seancës stërvitore me dyer të hapura në orën 12:00 CET në Camp Nou. Pas seancës stërvitore, Ferran Torres do të dalë para mediave në një konferencë shtypi në distancë në dhomën e shtypit të Ricard Maxenchs”, thuhet më tej në komunikatë.

Barcelona ka paguar 55 milionë euro plus 10 milionë bonuse për transferimin e lojtarit. /Telegrafi/

Ferran Torres is ours until 2️⃣0️⃣2️⃣7️⃣!

— FC Barcelona (@FCBarcelona) December 28, 2021