Rrëfimi i Simone Inzaghit: Humbja me Lazion na forcoi, Juventusi është për titull, Liverpoolin nuk doja në short

Simone Inzaghi beson se Interi ‘doli më i fortë’ nga humbja me Lazios, ndërsa shtoi se Juventusi nuk është jashtë garës për titull e Liverpoolin donte ta shmangte në Ligën e Kampionëve.

Shumë prisnin që Nerazzurrët të kishte vështirësi pas fitimit të Scudetto-s sezonin e kaluar, pasi trajnerin Antonio Conte u largua, ndërsa Romelu Lukaku dhe Achraf Hakimi u shitën, ndërsa Christian Eriksen u largua pas problemeve kardiake.

Por Interi kaloi fazën e grupeve në Ligën e Kampionëve, ndërsa është lider në Serie A pas fazës së parë.

“Unë mendoj se Juventusi mund të ketë një gjysmë të dytë të mirë të sezonit, pasi ata janë një ekip i mirë dhe ne kemi parë që pasi kanë humbur disa pikë, tani janë kthyer në rrugën e duhur”.

“Ata fituan pesë nga gjashtë ndeshjet e fundit, kështu që ne duhet t’i mbajmë afër syve”, ka thënë Inzaghi për La Gazzetta dello Sport.

Interi ka vetëm një humbje me rezultat 3-1 ndaj Lazio, më 16 tetor në kampionat.

“Të gjitha humbjet dhembin, por duhet të dilni prej tyre duke u ndjerë më i fortë, dhe kjo është ajo që bëmë kundër Lazios”, nënvizoi ai.

Në raundin e eliminimit direkt të Ligës së Kampionëve që do të zhvillohet në shkurt Interi luan kundër Liverpoolit.

“Ne e dimë se çfarë na pret, pasi Liverpool është në krye të listës së klubeve që kisha shpresuar t’i shmangja në short. Ne duam ta arrijmë në atë ndeshje në formën më të mirë të mundshme, por fillimisht kemi disa javë shumë intensive në janar dhe shkurt”, përfundoi ai. /Telegrafi/