Noizy vishet si babadimër dhe gëzon fëmijët në Kampin e KFOR-it në Vushtri

Reperi i njohur shqiptar, Noizy, ka qenë shumë i përfolur në media gjatë ditës së enjte.

Kjo pasi ai u ndalua nga Policia e Kosovës në kalimin kufitar Vërmicë, për shkak të një dënimi prej vitesh që rëndonte mbi të.

Ai ka qenë i detyruar të qëndronte 100 ditë në burg ose të paguante një gjobë prej dy mijë eurosh, gjersa zgjodhi të bënte këtë të fundit.

Lexo po ashtu Noizy lirohet nga mbajtja, pagoi 2.000 euro gjobë?

Ndërkohë, vivita e Noizyt në Kosovë duket se ka pasur të bëjë me një mision shumë të veçantë.

Kjo pasi ai ka qenë i angazhuar që të vishet si babadimër dhe të gëzojë fëmijët në Kampin e KFOR-it në Maxhunaj të Vushtrisë.

Ka qenë vet reperi nga Shqipëria ai i cili ka ndarë lajmi e gëzueshëm me fansat e tij, përmes disa videove të publikuar nga aktiviteti i zhvilluar ditën e sotme.

Nga pamjet, mund të shihet se ai ka gëzuar fëmijët me prezencën e tij, të cilët gjithashtu kanë marrë një dhuratë për fundvit.

View this post on Instagram

A post shared by NOIZY OTR (@noizy)

“Sërish si babagjyshi, por këtë herë në Kosovë, pikërisht në Kampin e KFOR-it në Maxhunaj, ju dua”, ka shkruar Noizy në Instagram.

Në sajë të këtij aktiviteti, reperi i është ndarë një mirënjohje nga përfaqësues të Kampit të KFOR-it në Maxhunaj. /Telegrafi/