Ilir Meta e nënshkroi marrëveshjen për kontrolle të përbashkëta kufitare me RMV-në

Presidenti i Shqipërisë Ilir Meta, njofton se e ka nënshkruar marrëveshjen me Maqedoninë e Veriut, për kontrolle të përbashkëta në pikat kufitare.

Meta thotë se këtë marrëveshje e vlerëson si mbështetje reale për nevojat e të dy vendeve, përcjell Telegrafi Maqedoni.

Marrëveshja të cilën më 25 nëntor e ratifikoi parlamenti shqiptar, siç tha atëherë ministri i Punëve të Brendshme, Bledi Çuçi parasheh në të gjitha vendkalimet kufitare të kufirit të Shqipërisë dhe Maqedonisë së Veriut do të ketë vetëm nga një sportel kontrollues.

Besoj, shtoi se të gjithë e kanë të qartë se kjo marrëveshje ka për qëllim t’i “përforcojë lidhjet me fqinjin tonë” dhe besojmë se kjo u shërben “angazhimeve tona të përbashkëta për BE dhe nismën Ballkani i Hapur”.

Përgjatë kufirit të Maqedonisë së Veriut dhe Shqipërisë funksionojnë vendkalimet kufitare Bllatë dhe Xhepçisht (i cili është me karakter lokal dhe tashmë funksionon kontrolli i përbashkët) dhe dy në Dibër, më pas Qafthana në Strugë, Stenjë në Resnjë dhe Shën Naumi në Ohër./Telegrafi/